राज्य पुलिस अकादमी चंदखुरी म प्रशिक्षु उप पुलिस अधीक्षक सम्मानित

अंजोर.रायपुर। रायपुर के नेताजी सुभाषचंद्र बोस राज्य पुलिस अकादमी, चंदखुरी म बारहवां  बैच के  प्रशिक्षु उप पुलिस अधीक्षक के खातिर दीक्षांत समारोह आयोजित करे गिस। दीक्षांत समारोह के मुख्य पहुना छत्तीसगढ़ के मुख्यमंत्री भूपेश बघेल रिहिस। दीक्षांत समारोह के बाद प्रशिक्षण बखत म आने-आने विधा मन म उत्कृष्ट प्रदर्शन करइया उप पुलिस अधीक्षक ल मुख्यमंत्री ह सम्मानित करिन।

ए बखत प्रदेस के गृहमंत्री ताम्रध्वज साहू, नगरीय विकास मंत्री डॉ. शिव कुमार डहरिया, पुलिस महानिदेशक अशोक जुनेजा अउ नेताजी सुभाषचंद्र बोस राज्य पुलिस अकादमी, चंदखुरी के निदेशक रतन लाल डांगी तको उपस्थित रिहिस।

मुख्यमंत्री भूपेश बघेल हाथ होइस सम्मानित

बारहवां बैच के पुरस्कार म कानून अनुसंधान के खातिर उप पुलिस अधीक्षक आकांक्षा पांडे, अपराध अनुसंधान के खातिर के खातिर शुभम तिवारी, अपराध शास्त्र के खातिर विंकेश्वरी पिन्दे,  फारेंसिंक साइंस के खातिर  शुभम तिवारी, सबले बढि़या फायरिंग के खातिर प्रवीण भारती , इनडोर के खातिर आकांक्षा पांडे, आउटडोर के खातिर अविनाश कंवर अउ बारहवां सत्र म सर्वोच्चत अंक हासिल करे के खातिर शुभम तिवारी ल मुख्यमंत्री के हाथ पुरस्कृत करे गिस। पासिंग आउट परेड के बखत परेड कमांडर के तौर म मोनिका श्याम अउ परेड टूआईसी के रूप म प्रवीण भारती के तको मुख्यमंत्री बघेल ह सम्मानित करिन।

उप पुलिस अधीक्षक के दीक्षांत समारोह के बाद प्रशिक्षण बखत म श्रेष्ठ प्रदर्शन करइया पुलिस  अधिकारी मनला ये पुरस्कार दे के परंपरा रेहे हावय, इही परंपरा के निर्वहन करत मुख्यमंत्री भूपेश बघेल ह सबो प्रशिक्षु उप पुलिस अधीक्षक ल उंकर उज्ज्वल भविष्य के खातिर सुभकामना दीस अउ उंकर ले किहिन के वो ये संकल्प लेके जाएं के राज्य के सेवा करत एक अच्छा पुलिस अधिकारी के रूप म अपन पहचान बनाही।