अंजोर.धमतरी। नगरी विकासखंड के गांव सांकरा ल राष्ट्रीय स्तर म दीनदयाल उपाध्याय पंचायत सतत विकास पुरस्कार 2023 ले सम्मानित करे गे हावय। गांव पंचायत सांकरा ल ये पुरस्कार स्वस्थ पंचायत के श्रेणी म दे गे हावय। जिला के कलेक्टर ऋतुराज रघुवंशी अउ जिला पंचायत के मुख्य कार्यपालन अधिकारी श्रीमती रोक्तिमा यादव ह ए खास उपलब्धि के खातिर सांकरा पंचायत ल सुभकामना अउ बधाई दीस।
ए संबंध म बताइन के दीनदायाल उपाध्याय पंचायत सतत विकास पुरस्कार (डीडीयू पीएसवीपी) के तहत स्वस्थ पंचायत श्रेणी म स्वास्थ्य संबंधी उत्कृष्ट बुता के खातिर जनपद पंचायत नगरी ल सबले जादा जनसंख्या वाला गांव पंचायत सांकरा छत्तीसगढ़ म अव्वल नम्बर म रहिस। जानबा हो के साल 2022-23 के पुरस्कार बर 09 थीम म राष्ट्रीय स्तर म पुरस्कार बर नेवते रिहिस, जेमा ए बार स्वस्थ पंचायत थीम म गांव पंचायत सांकरा पूरा छत्तीसगढ़ प्रदेस म अव्वल रहीस।
स्थानीय सरपंच अउ पंचायत सचिव ह गांव वाला के मंशा के मुताबिक उंकर हित ल धियान म रखके योजना मन के संचालन अउ बनाये बुता कराइन। इही श्रृंखला म गांव पंचायत सांकरा डहर ले सांकरा के अस्पताल म बड़का वैक्सिनेशन कक्ष तइयार करे गे हावय अउ परिसर म हरियाली के विस्तार करे गे हावय, कोरोना काल म तको ये पंचायत के डहर ले जन हित म उत्कृष्ट बुता करे गिस अउ कोविड के प्रतिरोधात्मक टीके के महाअभियान चलाके एक ही दिन म शत-प्रतिशत टीकाकरण कराइन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।