 |
| berojgaribhatta.cg.nic.in |
अंजोर.रायपुर। मुख्यमंत्री भूपेश बघेल डहर ले आज 01 अप्रैल ले सुरू करे गे बेरोजगारी भत्ता योजना के लेके प्रदेस के बेरोजगार युवा काफी उत्साहित हावयं। ये युवा मन के कहना हावय के राज्य शासन ले हर महीना मिले वाला 2500 रूपिया के मदद उंकर केरियर बनाये के रसता म आने वाला आर्थिक परेसानी ल हल करे म बने होही। बेरोजगारी भत्ता के पंजीयन के खातिर 01 अप्रैल ले पोर्टल तको सुरू हो गे हावय। पहिली दिन संझा के 5 बजे तक ए पोर्टल म 4269 पंजीयन बेरोजगारी भत्ता के खातिर मिले हावयं।
बेरोजगारी भत्ता पोर्टल सातों दिन 24 घंटा खुला रइही berojgaribhatta.cg.nic.in
आज 01 अप्रैल 2023 बिहनिया ले आवेदन करइया के खातिर सुरू हो गे हावय। आवेदन करइया डहर ले ए पोर्टल म बिहनिया ले ही बड़े संख्या म आवेदन करे जात हावय। आवेदन करइया के कहना हावय के पोर्टल गजब ही आसान अउ यूजर फ्रेंडली हावय, जेमा वो जरूरी सबो दस्तावेज के तको अपलोड करे हावयं, ए बुता म कोनो भी रकम ले असुविधा नइ हो हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।