मुख्यमंत्री भूपेश बघेल ह जैतू साव मठ म पूजा करके हनुमान बावली के करिन दर्शन

अंजोर.रायपुर। राजधानी रायपुर म रायपुर दक्षिण विधानसभा म आज भेंट-मुलाकात के खातिर निकले मुख्यमंत्री भूपेश बघेल ह जैतू साव मठ म पूजा करिस। ओमन तिर के हनुमान बावली के दरसन करिन। मुख्यमंत्री ह जैतू साव मठ म हेरिटेज वाक विकास बुता के लोकार्पण तको करिन। रायपुर स्मार्ट सिटी लिमिटेड डहर ले हेरिटेज वाक विकास बुता बर एक करोड़ 90 लाख रूपिया के लागत ले जुन्ना बस्ती क्षेत्र के ऐतिहासिक अउ धार्मिक धरोहर के सौंदर्यीकरण के संग बुनियादी सुविधा विकसित करे गे हावयं। ये मउका म रायपुर जिला के प्रभारी मंत्री रविन्द्र चौबे, गौसेवा आयोग के अध्यक्ष महंत रामसुंदर दास, महापौर एजाज ढेबर अउ रायपुर नगर निगम के सभापति प्रमोद दुबे तको ए बखत मौजूद रिहिस।