हस्तशिल्प अउ हाथकरघा के दस दिवसीय प्रदर्शनी के आयोजन

अंजोर.जगदलपुर। छत्तीसगढ़ हस्तशिल्प विकास बोर्ड डहर ले जगदलपुर म दस दिवसीय हस्तशिल्प अउ हाथकरघा प्रदर्शनी के आयोजन करे गिस।  बस्तर सांसद दीपक बैज अउ हस्तशिल्प विकास बोर्ड के अध्यक्ष चंदन कश्यप ह सनिच्चर के जगदलपुर म दस दिवसीय हस्तशिल्प अउ हाथकरघा प्रदर्शनी के सुरू करिन। मुख्यमंत्री भूपेश बघेल के अगुवई म ग्रामोद्योग मंत्री गुरू रूद्रकुमार के निर्देश के मुताबिक छत्तीसगढ़ हस्तशिल्प विकास बोर्ड डहर ले प्रदेस के हस्तशिल्पि के उंकर डहर ले बने सामान ल बेचे बर बढि़या मंच उपलब्ध कराये के उद्देश्य ले समय-समय म आने-आने प्रदर्शनी के आयोजन करे जाथे। इही कड़ी म बोर्ड डहर ले हस्तशिल्प अउ हाथकरघा प्रदर्शनी के आयोजन जगदलपुर के मैथोडिस्ट मैदान लाल चर्च के आगू कलेक्टर कार्यालय के पास करे जात हावय।

दस दिवसीय प्रदर्शनी 15 ले 24 अप्रैल तक

ए प्रदर्शनी म हस्तशिल्पी, बुनकर अउ माटीशिल्पी डहर ले 80 स्टॉल के माध्यम ले उंकर डहर ले उत्पादित सामान अउ कपड़ा के बड़का प्रदर्शनी-सह-विक्रय करे गिस हावय। प्रदर्शनी म छत्तीसगढ़ के विश्व परसिध ढोकरा  शिल्प, लौह शिल्प, काष्ठ शिल्प, गोदना शिल्प, शीसल शिल्प, कालीन, छिंद कांसा अउ कौड़ी शिल्प के संग-संग कोसा साड़ी अउ ड्रेस मटेरियल के विशाल संग्रह अउ आने-आने शिल्प सामान ल बेचे बर उपलब्ध हावय। ये प्रदर्शनी आम लोगन के खातिर बिहनिया 11 बजे ले  रतिहा 9 बजे तक खुली रइही।