प्रियंका गांधी ह छत्तीसगढ़ सरकार ल हकन के पंदोली देत किहिस नेहरू जी अउ इंदिरा जी के हिरदे म रिहिस बस्तर

अंजोर.रायपुर। बस्तर संभाग के मुख्यालय जगदलपुर म आयोजित भरोसा के सम्मेलन म मुख्यमंत्री भूपेश बघेल ह किहिन के पहिली बस्तर म गोली चलत रिहिस, आज नौजवान के गीत गूंजत हावयं। पहिली बस्तर आए बर लोगन डरात रिहिस। आज बस्तर म रोजगार अउ नवाचार दिखत हावय। उहें कार्यक्रम के खास पहुना श्रीमती प्रियंका गांधी ह किहिन के बस्तर के संस्कृति अउ छत्तीसगढ़ म होत नवाचार के गूंज पूरा दुनिया म हावय। नेहरू जी अउ इंदिरा जी के दिल म बस्तर खातिर बिसेस सम्मान रिहिस। कार्यक्रम म ओमन धान खरीदी - लघु वनोपज के एमएसपी मॉडल अउ स्वास्थ्य मॉडल के खातिर छत्तीसगढ़ सरकार के जमके तारीफ करिस।  

मुख्यमंत्री ह ‘मुख्यमंत्री आदिवासी परब सम्मान निधि योजना‘ के करिन शुभारंभ

‘भरोसे के सम्मेलन‘ कार्यक्रम म मुख्यमंत्री बघेल ह श्रीमती प्रियंका गांधी के बिसेस उपस्थिति म आदिवासी मन के तीज तिहार मन के संस्कृति अउ परंपरा के संरक्षित करे के उद्देश्य ‘मुख्यमंत्री आदिवासी परब सम्मान निधि योजना‘ के सुरू करिन हावय। जेकर तहत अनुसूचित क्षेत्र के गांव पंचायत के हरेक साल 10,000 रूपिया के अनुदान रकम दू किस्त म दे जाही। ए मउका म ओमन ए योजना के अन्तर्गत 1840 गांव पंचायत मन के 5-5 हजार रूपिया के रकम पहिली किस्त के रूप म बांटिस।

ओमन किहिन के दंतेवाड़ा म आज डेनेक्स म कपड़ा बनाए जात हावयं, ये कपड़े देश दुनिया म जात हावयं। हमर बहन काम करत हावयं, आगू बढ़त हावयं। हमर सरकार ह लाखों परिवार के वनाधिकार पट्टा देके काम करिन। ये सम्मेलन आदिवासी, किसान मन, मजदूर, माता, बच्च, बस्तर अउ छत्तीसगढ़ के भरोसे के सम्मेलन हावय। माँ दंतेश्वरी माई, बस्तर के दशहरा, अउ इहां के आदिवासी मन के संस्कृति बस्तर के पहचान हावय, बस्तर के संस्कृति अउ परंपरा के संरक्षित करे के दिशा म काम करत हम देवगुड़ी अउ घोटुल बनाये हावन। हमर योजना मन ले वनांचल क्षेत्र म किसान मन अउ लघु वनोपज बेचइया मन, तेंदूपत्ता संग्रहक म सम्पन्नता आये हावय।

हमर कांग्रेस के सरकार हर हाथ मजबूत बनाये के बुता करिन: श्रीमती प्रियंका गांधी

कार्यक्रम के खास पहुना श्रीमती प्रियंका गांधी ह भरोसे के सम्मेलन के संबोधित करत किहिन के मैं इहां पहिली बार आये हावं, तंहू मन मोला नइ जानो, तंहू मन इही सेती आए हावयं काबर के तुँहर मोर परिवार म भरोसा हावय। इहां के कहानी, तुँहर संस्कृति, तुँहर संघर्ष के बारे म मैं नानपन ले जानत हावं। मोर घर के सदस्य मन ह तुँहर संस्कृति, संघर्ष अउ चुनौती ल जानत हावय। ओमन छत्तीसगढ़ सरकार डहर ले इहां के लोगन के हित म चलाये जात योजना मन के बढ़ई करिस अउ किहिन के छत्तीसगढ़ म हर वर्ग खुशहाल हावय अउ आगू बढ़त हावय। हमर कांग्रेस के सरकार ह हर हाथ के मजबूत बनाये के बुता करिन हावय।

मुख्यमंत्री के घोसना :-

 

मुख्यमंत्री भूपेश बघेल ह ’भरोसे के सम्मेलन’ म जगदलपुर के इंदिरा गांधी प्रियदर्शिनी स्टेडियम के उन्नयन करके अंतर्राष्ट्रीय स्तर के फुटबाल, हॉकी अउ टेनिस ग्राउंड के रूप म विकसित करने, प्राथमिक वनोपज सहकारी समिति के प्रबंधकों के तीन स्तरीय संविदा वेतनमान देने, बस्तर संभाग मुख्यालय जगदलपुर म ‘इन्दिरा गांधी महिला सहकारी बैंक‘ के स्थापना, सरकारी आदर्श महिला कॉलेज नारायणपुर के नामकरण वीरांगना रमोतीन माड़िया सरकारी आदर्श महिला कॉलेज के नाम ले करे के घोसना करिस।

इही रकम ले ओमन कृषि कॉलेज अउ अनुसंधान केन्द्र केरलापाल के नामकरण घोटुल के संस्थापक देव ‘लिंगो मुदियाल कृषि कॉलेज अउ अनुसंधान केन्द्र केरलापाल नारायणपुर‘ के नाम ले करने, सरकारी नवा कॉलेज कटेकल्याण के नामकरण ‘हिड़मा मांझी सरकारी कॉलेज कटेकल्याण‘ के नाम ले करे अउ सरकारी नवा कॉलेज भैरमगढ़ के नामकरण ‘धुर्वाराव माड़िया सरकारी कॉलेज भैरमगढ़‘ के नाम ले करे के घोसना करिस।

ए मउका म कार्यक्रम के सम्बोधित करत होइस उद्योग अउ बस्तर जिला के प्रभारी मंत्री कवासी लखमा ह बस्तर अंचल के नागरिक के तनि ले श्रीमती प्रियंका गांधी के स्वागत करिन। ओमन किहिन के छत्तीसगढ़ के मुख्यमंत्री भूपेश बघेल देश के अग्रणी मुख्यमंत्री हावयं। सांसद बस्तर दीपक बैज ह मां दन्तेश्वरी के पावन धरा बस्तर म पहिली बार आगमन म श्रीमती प्रियंका गांधी के स्वागत करिन अउ किहिन के बस्तर के धरती म गांधी-नेहरू परिवार के गहरा नाता रिहिन हावय। सम्मेलन के पहिली सांसद सुश्री शैलजा अउ विधायक मोहन मरकाम ह तको कार्यक्रम के सम्बोधित करिन।

कार्यक्रम म गृह मंत्री ताम्रध्वज साहू, स्वास्थ्य मंत्री टी.एस. सिंहदेव, महिला अउ बाल विकास मंत्री श्रीमती अनिला भेंड़िया, अनुसूचित जाति अउ अनुसूचित जनजाति विकास मंत्री डॉ. प्रेमसाय सिंह टेकाम, नगरीय प्रशासन अउ विकास मंत्री डॉ शिवकुमार डहरिया, उद्योग मंत्री कवासी लखमा, राजस्व मंत्री जयसिंह अग्रवाल, संस्कृति मंत्री अमरजीत भगत, उच्च शिक्षा मंत्री उमेश पटेल, विधानसभा उपाध्यक्ष संत कुमार नेताम, लोकसभा सांसद बस्तर दीपक बैज, राज्यसभा सांसद श्रीमती फूलो देवी नेताम, मुख्यमंत्री के सलाहकार राजेश तिवारी, पहिली सांसद सुश्री कुमारी शैलजा सहित संसदीय सचिवगण, विधायक मोहन मरकाम सहित केऊ विधायकगण, केऊ जनप्रतिनिधिगण अउ बड़ संख्या म नागरिक उपस्थित रिहिस।