पीएससी, व्यापम के नि:शुल्क कोचिंग के खातिर नटवर स्कूल म मॉक टेस्ट

अंजोर.रायगढ़। कलेक्टर तारन प्रकाश सिन्हा के निर्देशन अउ सीईओ जिला पंचायत अबिनाश मिश्रा के मार्गदर्शन म जिला प्रशासन रायगढ़ डहर ले जिला के मेधावी प्रतियोगी पढ़इया लइका के खातिर नटवर स्कूल, रायगढ़ म नि:शुल्क कोचिंग के खातिर मॉक टेस्ट के आयोजन करे गिस। जेमा सीजी पीएससी अउ व्यापम परीक्षा के सिलेबस ले सवाल पूछे गे रिहिस। माक टेस्ट के मॉडल आंसर जिला के वेबसाईट म अपलोड करे गे हावय। ए संबंध म कोनो तको परीक्षा देवइया डहर ले दावा-आपत्ति जिला परियोजना कार्यालय, समग्र शिक्षा, कलेक्टर कार्यालय परिसर, रायगढ़ म आज कार्यालयीन समय म प्रस्तुत करे जा सकत हाबे।

अगले सप्ताह इतवार दिनांक 23 अप्रैल 2023 के तको मॉक टेस्ट के आयोजन करे जाही। जानबा हो के काली होइस मॉक टेस्ट म कुल 170 पढ़ईया सामिल होइस। 100 नंबर के पेपर रिहिस, जेमा कुल 50 सवाल पूछे गे रिहिस। टेस्ट एक घंटा तक चला। मॉक टेस्ट म मिले उच्चतम प्राप्ताकों के आधार म 100 प्रतियोगी लइका के चयन करके ओला नि:शुल्क कोचिंग दे जाही। ए बखत डिप्टी कलेक्टर सुश्री अक्षा गुप्ता, डीएमसी नरेन्द्र चौधरी, एपीसी भुनेश्वर पटेल अउ भूपेन्द्र पटेल, संस्था प्राचार्य रूबी वर्गीस अउ स्टॉफ  उपस्थित रिहिन।