अंजोर.रायगढ़। साइबर फ्रॉड के मामला म रायगढ़ पुलिस ल एक अउ बड़का सफलता हाथ लगे हावय। एसएसपी सदानंद कुमार के कुशल दिशा निर्देशन अउ एडिशनल एसपी संजय महादेवा के जरूरी मार्गदर्शन म गठित बिसेस टीम डहर ले फर्जी वेबसाइट म डिटेल भरवाके ठगी करइया गिरोह के 4 सक्रिय सदस्य मनला जामताड़ा (झारखंड) म दबिश देके पकड़ा गे हावय।
गिरफ्तारी आरोपी-
- राजेश मंडल पिता भुनेश्वर मंडल उमर 33 साल निवासी झिलूथटोला खरबकी थाना नारायणपुर जिला जामताड़ा झारखंड
- दुर्योधन मंडल पिता प्रया मंडल उमर 45 साल निवासी रुक्षा जागत सुढी (मंडल) झिलूबाटोला खरबकी थाना नारायणपुर जिला जामताड़ा झारखंड
- सुरेश मंडल पिता जयदीप मंडल 49 साल निवासी झिलूवाटोला खरबकी थाना नारायणपुर जिला जामताड़ा झारखंड
- निसार अंसारी पिता खलील मियां उमर 22 साल निवासी करमबाग बेग थाना करमाटांड जिला जामताड़ा झारखंड
जप्त मशरूका –
एप्पल, रेडमी, सैमसंग अउ टेक्सो के कुल 13 नग मोबाइल अउ 69 आने-आने कंपनी के सिम।
आरोपी मनके तरीका-ए-वारदात :-
आरोपी मन के गिरोह जामताड़ा के झिलूवाटोला क्षेत्र ले सक्रिय होके सायबर ठगी के रैकेट चलात रिहिन। रिहिस जिहां ले कस्टमर केयर के रूप म लोगन के कॉल करत रिहिस। शातिर आरोपीगण हर 7-8 दिन म अपन ठिकाना बदले। ये आने-आने मोबाइल नंबर के जरिए अपन कस्टमर ल कॉल करे। आरोपी मन ले पूछताछ म जानकारी मिलिस के ये सबो प्रमुख बैंक जैसे- एचडीएफसी एसबीआई आईडीबीआई उक के डमी लॉगइन पेज/वेबसाइट बना करके रखे हावयं।
ये अपन कस्टमर ल कॉल करके ओला डरात रिहिस के उंकर क्रेडिट कार्ड/डेबिट कार्ड/एटीएम सस्पेंड होए वाला हावय ओला अपडेट करें। जइसे ही कस्टमर इंकर झांसा म आवे अउ एमन ल कस्टमर ल बैंक के जानकारी मिले। ये कस्टमर के व्हाट्सअप या टेक्स्ट मैसेज के जरिये उही बैंक के एक डमी लॉगिन पेज के एक फिसिंग लिंक मोबाइल म सेंड करत अउ कस्टमर ले ID/PASSWORD ले पेज लॉगिन करा के एक ऑनलाइन फार्म फिलअप करात रिहिस। कस्टमर फार्म फिलअप करके सबमिट करे त कस्टमर के तमाम पर्सनल बैंक डिटेल ए फ्रॉड गैंग के पास होवत अउ ये कस्टमर के बैंक अकाउंट म ID/PASSWORD ले लॉगिन करके कस्टमर के सारी रूपिया आने-आने यूपीआई फोन पे, पेटीएम उक में रूपिया ट्रांसफर करके निकाल लेवे अउ आपस म बांट लेवत रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।