विश्व पशु चिकित्सा दिवस के मुख्यमंत्री ह दीस बधाई

अंजोर.रायपुर। मुख्यमंत्री भूपेश बघेल ह प्रदेस के सबो पशु डॉक्टर मन ल विश्व पशु चिकित्सा दिवस के बधाई अउ सुभकामना दीस हावयं। मुख्यमंत्री ह पशुधन के जिनगी रक्षा अउ उंकर संवर्धन म पशु डॉक्टर मन के योगदान के बढ़ई करत किहिन हावय के तंहू मन सबके प्रयास ले ही छत्तीसगढ़ राज्य म पशुधन के रक्षा अउ उन्नत नस्ल के पशुधन ल बढ़ावा मिले  हावय। छत्तीसगढ़ राज्य म पशुधन नस्ल सुधार कार्यक्रम अउ दुग्ध उत्पादन के बढ़ावा दे के कार्यक्रम के सफल क्रियान्वयन म सबो पशु डॉक्टर मन के प्रयास ल तको मुख्यमंत्री ह बढ़ई करिन हावय।