अंजोर.रायपुर। छत्तीसगढ़ म सहायक पशु चिकित्सा क्षेत्र अधिकारी के 150 पद म सोज भरती करे जाही। संचालनालय पशु चिकित्सा सेवा डहर ले भरती के खातिर विज्ञापन जारी कर दे हावय। भरती के खातिर छत्तीसगढ़ व्यावसायिक परीक्षा मंडल डहर ले परीक्षा आयोजित करे जाही। छत्तीसगढ़ के अभ्यर्थी छत्तीसगढ़ व्यावसायिक परीक्षा मंडल के वेबसाईट म ऑनलाइन आवेदन कर सकही। अभ्यर्थिय ल http://vyapam.cgstate.gov.in के पते म जाके आवेदन करना होही।
संचालनालय पशु चिकित्सा सेवा ले मिले जानकारी के अनुसार सहायक पशु चिकित्सा क्षेत्र अधिकारी के 150 पद म 61 अनारक्षित, 53 अनुसूचित जनजाति, 17 अनुसूचित जाति, 19 अन्य पिछड़ा वर्ग के पद हावयं। अभ्यर्थी विस्तृत विज्ञापन, आवश्यक शैक्षणिक आहर्ता, आयु सीमा, पाठ्यक्रम, भरती प्रक्रिया, नियम शर्ते, परीक्षा तिथि, परीक्षा शहर आदि के जानकारी छत्तीसगढ़ व्यावसायिक परीक्षा मंडल के वेबसाईट म 12 मई 2023 के शाम 5.00 बजे ले प्राप्त कर सकत हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।