व्यापम कब लिही कोन पद खातिर परीक्षा देखव

अंजोर.रायपुर। छत्तीसगढ़ व्यावसायिक परीक्षा मंडल डहर ले साल 2023-24 म छत्तीसगढ़ राज्य लघु वनोपज (व्यापार अउ विकास) सहकारी संघ मर्यादित, संचालनालय पशु चिकित्सा सेवा अउ कार्यालय श्रमायुक्त के आने-आने भर्ती के खातिर प्रस्तावित परीक्षा कार्यक्रम ल निर्धारण कर दे हावय।

सहायक प्रबंधक (उपार्जन, निर्माण, प्रक्रिया) भरती परीक्षा 2023

सहायक प्रबंधक (उपार्जन, निर्माण, प्रक्रिया) भरती परीक्षा 2023 अउ सहायक प्रबंधक (प्रबंधन) भरती परीक्षा के आनलाइन आवेदन 12 मई ले 29 मई तक भरे जा सकही। येकर त्रुटि सुधार के तिथि 30 मई ले 1 जून तक रइही। 5 जून के प्रवेश पाती जारी करे जाही। 11 जून के दू पाली म परीक्षा आयोजित करे जाही।

सहायक पशु चिकित्सा क्षेत्र अधिकारी भरती परीक्षा 2023

सहायक पशु चिकित्सा क्षेत्र अधिकारी भरती परीक्षा 2023 के आनलाइन आवेदन 12 मई ले 29 मई तक भरे जा सकही। येकर त्रुटि सुधार के तिथि 30 मई ले 1 जून तक रइही। येकर खातिर 9 जून के प्रवेश पाती जारी करे जाही। येकर परीक्षा 17 जून के होही।

सहायक श्रम पदाधिकारी, श्रम निरीक्षक अउ श्रम उपनिरीक्षक भरती परीक्षा 2023

सहायक श्रम पदाधिकारी, श्रम निरीक्षक अउ श्रम उपनिरीक्षक भरती परीक्षा 2023 के आनलाइन आवेदन 12 मई ले 29 मई तक करे जाही। येकर त्रुटि सुधार के तिथि 30 मई ले 1 जून तक हावय। प्रवेश पाती जारी करे के तिथि 10 जून होही। येकर खातिर प्रवेश परीक्षा 18 जून के होही। मुख्यमंत्री भूपेश बघेल के घोसना के मुताबिक ये परीक्षा के खातिर छत्तीसगढ़ के स्थानीय निवासी भाग लेवइया मन ले कोनो रकम ले के प्रवेश शुल्क नइ ले जाही।