अंजोर.कवर्धा। कलेक्टर जनमेजय महोबे ह अंतर्राष्ट्रीय पैरा एथलेटिक्स चैंपियनशिप म भारत के तनि ले प्रतिनिधित्व करत कबीरधाम के बेटी छोटी मेहरा ल मैडल पहनाके, पुष्प-गुच्छ भेंट करके बधाई अउ सुभकामना देत उंकर उज्जवल भविष्य के कामना करिस।
कलेक्टर महोबे ह सुभकामना देत आगू तको जिला के नाम रौशन करे के प्रोत्साहित करिन। कलेक्टर ह जिला प्रशासन के तनि ले हर संभव मदद के खातिर दिव्यांग खिलाड़ी छोटी मेहरा ल आश्वासन दीस। ए मउका म समाज कल्याण विभाग के उपसंचालक श्रीमती पण्डा उपस्थित रिहिस।
जानबा होवय के कर्नाटक के बेंगलुरु म संपन्न होइस अंतर्राष्ट्रीय पैरा एथलेटिक्स चैंपियनशिप म भारत के तनि ले प्रतिनिधित्व करत छत्तीसगढ़ के कबीरधाम जिला के छोटी मेहरा ह 14 मीटर चक्र फेक करके भारत के गोल्ड मैडल देवाइस हावय।
अंतर्राष्ट्रीय पैरा एथलेटिक्स चैंपियनशिप म छोटी ह 16 देश के खिलाड़ी के परास्त करके ये बड़े उपलब्धि हासिल करे हावय। अंतर्राष्ट्रीय पैरा एथलेटिक्स चैंपियनशिप म कबीरधाम जिला के छोटे कद के दिव्यांग खिलाड़ी छोटी मेहरा के दबदबा देखे ल मिलिस। ए उपलब्धि के म मुख्यमंत्री भूपेश बघेल ह छोटी मेहरा ल सुभकामना देत उंकर उज्जवल भविष्य के कामना तको करिस।
दिव्यांग खिलाड़ी छोटे मेहरा कबीरधाम पुलिस डहर ले संचालित फोर्स एकेडमी के सदस्य हावय। छोटे मेहरा पाछु 04 वषो ले पुलिस अधाक्षक डॉ.लाल उमेद सिंह निर्देश के मुताबिक फोर्स एकेडमी के राष्ट्रीय कोच वसीम रज़ा डहर ले प्रशिक्षण देत हावय। छोटी सरलग कड़ी मेहनत करके अंतर्राष्ट्रीय स्तर प्रतियोगिता म मेंडल हासिल करत हावय। कर्नाटक के बेंगलुरु म चलत अंतर्राष्ट्रीय पैरा एथलेटिक्स चैंपियनशिप म भाग ले के खातिर कलेक्टर जनमेजय महोबे के निर्देश म समाज कल्याण विभाग डहर ले छोटी मेहरा के आर्थिक अनुदान रकम तको उपलब्ध कराइन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।