 |
| CG Movie : Le Suru Hoge Maya Ke Kahani |
सिनेमा। छत्तीसगढ़ी फिल्म ले सुरू होगे मया के कहानी फेर एक पइत सतीश जैन के नाव ल जग जाहिर कर दिस के छॉलीवुड के उही तारनहार आए। जब जब छत्तीसगढ़ी फिल्म ह असफलता कोति जाथे सतीश जैन अपन दम म सिनेमा ल उबार देथे।
ले सुरू होगे मया के कहानी म वइसे तो आन सुपरहिट फिल्म सहिक कुछू बात नइये अऊ शायद इही खासियत ह ओकर सफलता के कारण बनिस। कुछ भी न होके बहुत खास चीज आए सतीश जैन के हाथ होना। ओमन दर्शक म नस ल टमड़थे अउ सिनेमा बनाथे।
सतीश जैन के फिल्म ले सुरू होगे मया के कहानी 10 दिन के भीतर अपन लागत ले आगर कमाई करत हाबे। इही सेती सतीश जैन तको सोशल मीडिया म अपन छाती ठोक के सफलता के सुवाद लेवत हाबे। आज दिन भर सोशल मीडिया म ‘रिकॉर्ड मेकर, रिकॉर्ड ब्रेकर, हिस्ट्री मेकर’ जइसे टेग लाइन ले पटागे हावय। खैर ल छत्तीसगढ़ी सिनेमा के सरताज ब्लॉकबस्टर निर्देशक सतीश जैन जी के जादू हमेशा सहित फेर दर्शक के सिर चढ़के बोलत हाबे। बम्पर ओपनिंग के संग सबो डहर ले हाउसफुल के आरो मिलत हाबे। उंकर सबो टीम ल गाड़ा गाड़ा बधाई।
- फिल्म - ले सुरू होगा माया के कहानी
- निर्माता - छोटेलाल साहू
- निर्देशक - सतीश जैन
- गीत- सतीश जैन
- संगीत - सुनील सोनी
- कलाकार - अमलेश नागेश, एल्सा घोष, सुरेश गोन्डाले, शीतल शर्मा, उपासना वैषणव, संगीता निषाद, अंजली चौहान, पप्पू चंद्राकर, मनोज जोशी, अनिल सिन्हा, घनश्याम मिरझा, डॉ. अजय सहाय, जयराम भगवानी, विशाल साहू
- डी.ओ.पी. - सिद्धार्थ सिंह
- कोरियोग्राफी - चंदन दीप
- संपादक - तुलेंद्र पटेल
- गायक- सुनील सोनी, अनुपमा मिश्रा
- गीतकार- सतीश जैन
- संगीत- सुनील सोनी
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।