अंजोर.कोरबा। मुख्यमंत्री भूपेश बघेल ह कोरबा जिला म मोरगा चौकी ले मदनपुर फारेस्ट बेरियर के पास कार अउ ट्रक के टक्कर म सब इंस्पेक्टर मनोज तिर्की सहित उंकर परिवार के चार लोगन के मउत म गहरा दुःख प्रकट करिन हावय। मुख्यमंत्री ह उंकर परिवार वाला के प्रति संवेदना प्रकट करत घर वाला के हर संभव मदद उपलब्ध कराये के निर्देश स्थानीय प्रशासन के अधिकारी मनला दीस हावयं। ए दुर्घटना म अम्बिकापुर निवासी अउ जगदलपुर म सब इंस्पेक्टर के पद म पदस्थ मनोज तिर्की, उंकर पत्नी अउ दू लइका के मउत हो गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।