अंजोर.रायपुर। पुलिस मुख्यालय ह छत्तीसगढ़ म सूबेदार, उप-निरीक्षक संवर्ग, प्लाटून कमांडर के 975 खाली पद म सोज भरती के खातिर मुख्य लिखित परीक्षा के तिथि घोसित कर दीस हावय। ये पद के खातिर मुख्य लिखित परीक्षा 26, 27 अउ 29 मई के छत्तीसगढ़ व्यावसायिक परीक्षा मंडल डहर ले आयोजित करे जाही।
मुख्य लिखित परीक्षा 26 मई के बिहनिया 8 बजे ले 10:15 बजे तक हिंदी अउ अंग्रेजी भाषा म दक्षता अउ मंझनिया 2 बजे ले 5:15 बजे तक सामान्य ज्ञान अउ सामान्य अध्ययन के परीक्षा होही। 27 मई के बिहनिया 8 बजे ले 10:15 बजे तक एप्टीट्यूड टेस्ट अउ मंझनिया 2 बजे ले 4:15 बजे तक विज्ञान (गणित, भौतिकी अउ रसायन) के परीक्षा होही। 29 मई के बिहनिया 8 बजे ले 10:15 बजे तक कम्प्यूटर विज्ञान के परीक्षा होही।
मुख्य लिखित परीक्षा के आयोजन संभाग मुख्यालय रायपुर, बिलासपुर, दुर्ग, जगदलपुर अउ अंबिकापुर म करे गे हावय। परीक्षा केंद्र के सूचना व्यापम डहर ले अलग ले दीस जाही। परीक्षा बर प्रवेश पाती व्यापम के वेबसाइट ले 18 मई के बिहनिया 10 बजे ले डाउनलोड करे जा सकही। मुख्य लिखित परीक्ष वस्तुनिष्ठ रकम ले होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।