विश्व पर्यावरण दिवस म इन्वायरोथॉन, भाषण अउ पोस्टर प्रतियोगिता, छत्तीसगढ़ पर्यावरण संरक्षण मंडल अउ कलिंगा विश्वविद्यालय के आयोजन

 

अंजोर.रायपुर। विश्व पर्यावरण दिवस म छत्तीसगढ़ पर्यावरण संरक्षण मण्डल डहर ले केऊ कार्यक्रम आयोजित करे जात हावयं। सबले पहिली 01 जून 2023 के कलिंगा विश्वविद्यालय परिसर म सॉल्यूशन फॉर वेस्ट यूटिलाईजेशन विषय म इन्वायरोथॉन के आयोजन तीन वर्ग समूह म करे गे हावय। कलिंगा विश्वविद्यालय के संग समिलहा रूप ले आयोजित ए कार्यक्रम म पहिली वर्ग म कक्षा 10 वीं ले 12 वीं, दूसरइया वर्ग म सबो स्नातक अउ तीसरा वर्ग म स्नातकोत्तर के पढ़ईया अउ पढ़इया लइका भाग ले सकही। 

सॉल्यूशन फॉर वेस्ट यूटिलाईजेशन विषय म इन्वायरोथॉन के पुरस्कार

• पहिली पुरस्कार 21 हजार रूपए, 
• दूसरइया पुरस्कार 15 हजार रूपिया अउ 
• तीसरा पुरस्कार 11 हजार रूपिया रखे गे हावयं।

छत्तीसगढ़ पर्यावरण संरक्षण मंडल डहर ले 4 जून 2023 के बिहनिया 10 बजे ले न्यू कन्वेन्शन हॉल नवा विश्राम गृह, सिविल लाईन, रायपुर म भाषण अउ पोस्टर प्रतियोगिता के आयोजन करे गे हावय। ये प्रतियोगिता के विषय हावय ’’व्यक्तिगत आदत अउ बेवहार म बदलाव लान के सिंगल यूज प्लास्टिक के उपयोग म कमी करना’’ भाषण प्रतियोगिता दू उमर वर्ग 13 ले 17 साल अउ 18 ले 21 साल अउ पोस्टर प्रतियोगिता तीन उमर वर्ग 12 साल तक, अउ 13 ले 17 साल अउ 18 ले 21 साल वर्ग म होही, जेमा अलग-अलग पुरस्कार दिये जाही।

प्रतियोगिता के भाग लेवइया मन के अपन पहचान पाती अउ उमर प्रमाण-पत्र के छायाप्रति संग लाना होही। रजिस्टेशन प्रतियोगिता जगह म करे जाही। रजिस्टेशन बर भाग लेवइया मन के बिहनिया 9.30 बजे उपस्थित होना अनिवार्य हावय। प्रतियोगिता म पुरस्कार स्वरूप आकर्षक नगद पुरस्कार रखे गे हावयं। विजेता मन के 5 जून 2023 के विश्व पर्यावरण दिवस के मउका म न्यू-सर्किट हाऊस, सिविल लाईंस, रायपुर म आयोजित कार्यक्रम म पुरस्कृत करे जाही।