अंजोर.रायपुर। छत्तीसगढ़ सरकार डहर ले प्रदेस म सरकारी नौकरी म भर्ती के सिलसिला सरलग जारी हावय। इही कड़ी म कार्यालय श्रमायुक्त छत्तीसगढ़ के तनि ले 34 आने-आने पद म भरती करे जाना हावयं। जारी विज्ञापन के मुताबिक सहायक श्रम पदाधिकारी के 04, श्रम निरीक्षक के 14 अउ श्रम उप-निरीक्षक के 16 खाली पद म सोज भरती होही।
श्रमायुक्त कार्यालय, इंद्रावती भवन, नवा रायपुर ले जारी विज्ञापन के मुताबिक विज्ञापित करे गे पद के वर्गवार खाली के संख्या म बदलाव तको करे जा सकत हाबे। विस्ता्र ले विज्ञापन, पाठ्यक्रम परीक्षा कार्यक्रम ऑनलाइन आवेदन अउ शुल्क भुगतान के विधि अउ आन विस्ता्र ले जानकारी व्यापम के वेबसाइट vyapam.cgstate.gov.in म देखे जा सकत हावय। परीक्षा के तिथि व्यापम डहर ले अलग ले जारी करे जाही। ऑनलाईन आवेदन पाती व्यापम के वेबसाईट म उपलब्ध होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।