बुद्ध पूर्णिमा के हार्दिक बधाई अउ सुभकामना

अंजोर.रायपुर। मुख्यमंत्री भूपेश बघेल ह 05 मई के बुद्ध पूर्णिमा के मउका म सबो बौद्ध धर्मावलम्बी सहित प्रदेसवासी ल हार्दिक बधाई अउ सुभकामना दीस। अपन शुभकामना संदेश म ओमन किहिन हावय के महात्मा बुद्ध ह लोगन ल अहिंसा, समानता अउ विश्व बंधुत्व के संदेश दीस। उंकर शिक्षा के बिदेस म तको लागन ह अपनाइन अउ लाखों अनुयायी उंकर देखाये रद्दा म चल के देश-दुनिया ल शांति के संदेश देत हावयं। बघेल ह किहिन के गौतम बुद्ध के उपदेश हर परिस्थिति अउ काल म प्रासंगिक हावयं। उंकर दे गे शिक्षा हमन ल संयम ले आगू बढ़े के संदेश देत हावय। महात्मा बुद्ध के विचार अउ जिनगी कीमत एक बढि़या समाज अउ राष्ट्र बनाये के खातिर हमेशा मार्गदर्शक रइही।