राजभवन म मनाये गिस ओडिशा, हिमाचल प्रदेस अउ सिक्किम राज्य के स्थापना दिवस

अंजोर.रायपुर। राजभवन म ओडिशा, हिमाचल प्रदेस अउ सिक्किम राज्य के स्थापना दिवस हर्षोल्लास के संग मनाये गिस। राज्यपाल विश्वभूषण हरिचंदन ह ए मउका म किहिन के हमर बीच एकता अउ भाईचारा के बंधन भौगोलिक सीमा के पार करके सद्भाव के वातावरण ल बढ़ावा देत हावय। आने-आने राज्य के लोगन के उपस्थिति ह छत्तीसगढ़ के आर्थिक अउ सामाजिक परिदृश्य म नवा  विचार, दृष्टिकोण अउ कौशल के संचार करिन हावय।   

प्रधानमंत्री नरेंद्र मोदी के पहल म सुरू करे गे केन्द्र सरकार के “एक भारत-श्रेष्ठ भारत”  कार्यक्रम के तहत विविधता म एकता के भावना ल बढ़ावा दे खातिर सबो राज्य एक-दूसर राज्य के स्थापना दिवस मनात हावयं। इही कड़ी म राजभवन म ये कार्यक्रम आयोजित करे गिस। जेमा छत्तीसगढ़ म निवास करे वाला ओडिशा, हिमाचल प्रदेस अउ सिक्किम राज्य के लोगन ह उत्साह के संग भाग लिस। राज्यपाल ह स्थापना दिन के मउका म सबो ल बधाई दीस।