अंजोर.रायपुर। छत्तीसगढ़ व्यावसायिक परीक्षा मण्डल ह सूबेदार/उप निरीक्षक संवर्ग/पलाटून कमाण्डर भरती परीक्षा के मुख्य परीक्षा म चयन के संबंध म प्रसारित भ्रामक अउ तथ्यहीन जानकारी के खण्डन करत साफ करिन हावय के आवेदन करइया विजेता केशरवानी के पुलिस भरती परीक्षा के पहिली चरण (दस्तावेज परीक्षण अउ शारीरिक माप दंड) म पुलिस विभाग डहर ले अपात्र घोसित करे रिहीस।
विभाग के ए फइसला के विरूद्ध आवेदन करइया ह माननीय उच्च न्यायालय म याचिका दायर के जेन म सुनवाई करत न्यायालय ह आवेदन करइया के रिट पिटिशन डहर ले 29 जनवरी 2023 के आयोजित प्रारंभिक परीक्षा म सामिल करे के सशर्त निर्देश दिये गे रिहिस अउ किहिन के परीक्षा देवइया के परिणाम न्यायालय के आखरी फइसला आये तक घोसित नी करे जाए।
न्यायालय के ए आदेश के परिपालन म विजेता केशरवानी के परीक्षा म सामिल होए के अनुमति दीस अउ 22 फरवरी 2023 के प्रारंभिक परीक्षा के प्राप्तांक के प्रकाशित सूची म विजेता केशरवानी के नाम ‘‘अंत म अलग से‘‘ माननीय उच्च न्यायालय के फइसला के उल्लेख करत दर्शाये गिस। मुख्य परीक्षा बर जारी होए वाला सूची ले पहिली आवेदन करइया डहर ले उंकर परिणाम घोसित करे के संबंध म करे गे प्रार्थना के ओढ़र म माननीय उच्च न्यायालय म फेर रिट पिटिशन 12 मई 2023 के डहर ले संबंधित आवेदन करइया के परीक्षा परिणाम के घोसित करे के आदेश दे गिस।
माननीय न्यायालय के ए आदेश के तहत आवेदन करइया के प्रारंभिक परीक्षा के प्राप्ताक के संज्ञान म लिस जेमा उंकर कुल 196.875 अंक रिहिस, जेकर ले उंकर ओवर ऑल रैंक 1689 आये अउ ओला अनारक्षित महिला के ठऊर के विरूद्ध मुख्य परीक्षा बर पात्र घोसित करे गिस। छत्तीसगढ़ व्यावसायिक परीक्षा मण्डल के नियंत्रक ह ये तथ्य के आधार म प्रचारित खबर के खंडन करिन हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।