अंजोर.रायपुर। मुख्यमंत्री भूपेश बघेल ह छत्तीसगढ़ माध्यमिक शिक्षा मंडल डहर ले 10वीं अउ 12वीं कक्षा के बोर्ड परीक्षा म सफल सबो परीक्षा देवइया अउ उंकर अभिभावक मन ल बधाई अउ सुभकामना देत, उंकर उज्जवल भविष्य के कामना करे हावय। ओमन किहिन के कक्षा दसवीं अउ बारहवीं के परीक्षा म टॉप टेन म ठऊर मिले करे वाला पढ़ईया मन ल हेलीकॉप्टर राइड कराये जाही।
मुख्यमंत्री ह किहिन के जेन लइका के आशा मुताबिक परिणाम मिले नइ हावय ओला सीख लेवत होइस आगू अउ मेहनत करे के चाही। असफलता ही सफलता के सीढ़ी हावय, इही ल धियान म रखत वो निराश न हों अउ फेर मेहनत ले पढ़ाई करे सफलता मिलही।
जानबा होवय के छत्तीसगढ़ माध्यमिक शिक्षा मण्डल के दसवीं के परीक्षा म राहुल यादव अउ बारहवीं के परीक्षा म विधि भोसले ह टॉप करिन हावय। स्कूल शिक्षा मंत्री डॉ. प्रेमसाय सिंह टेकाम ह दसवीं अउ बारहवीं के मुख्य परीक्षा के रिजल्ट जारी करिन। दसवीं के परीक्षा म 75.05 परतिसत अउ बारहवीं म 79.96 परतिसत पढ़ईया सफल होइस हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।