अंतरराष्ट्रीय नर्स दिवस : मानवता के सच्चा सेवा करके दूसर के जिनगी ल खुसी भरइया नर्स मनला बधाई अउ सुभकामना

अंजोर.रायपुर। मुख्यमंत्री भूपेश बघेल ह 12 मई अंतरराष्ट्रीय नर्स दिवस म समर्पण अउ सेवाभाव के प्रतिमूर्ति सबो नर्स ल बधाई अउ सुभकामना दीस हावयं। मुख्यमंत्री ह अपन बधाई संदेश म किहिन के स्वास्थ्य सेवा म नर्स के हमेशा ले जरूरी ठऊर  रिहिन हावय। डॉक्टर ल भगवान के दूसरा रूप केहे जाथे। हमर नर्स बहन तको देवी स्वरूप होत हावयं, जेन निःस्वार्थ भाव ले मानवता के सच्चा सेवा करके दूसर के जिनगी ल खुसी ले भर देत हावयं। बघेल ह कोरोना संकट काल म नर्स बहिनी डहर ले दिन-रात मरीज मनके सेवा अउ कर्तव्य परायणता के बढ़ई करत किहिन के निर्भीक योद्धा के रूप म तंहू मन जेन हिम्मत अउ हौसला के संग मानवता के सेवा करे हावय, वो ह काबिले तरीफ हावय।