साल जंगल के द्वीप ल नक्सलवाद ले मुक्त करके फेर बनाबो शांति के टापू : मुख्यमंत्री भूपेश बघेल

अंजोर.रायपुर। मुख्यमंत्री भूपेश बघेल ह झीरम घाटी शहादत दिवस के मउका जगदलपुर के लालबाग के झीरम मेमोरियल म झीरम घाटी के शहीद मनला पुष्प अर्पित करके श्रद्धांजलि दीस अउ नमन करिन। मुख्यमंत्री बघेल ह किहिन के नक्सलवाद के खिलाफ कुर्बानी देवइया शहीद के शहादत के बेकार नइ जाये, साल जंगल के द्वीप बस्तर क्षेत्र ल नक्सलवाद ले मुक्त करके फेर ले शांति के टापू बनाबो।

ये मउका म मुख्यमंत्री बघेल सहित जनप्रतिनिधीमन ह ए मउका झीरम के शहीद मनके सुरता म दू मिनट के मौन रखे अउ सबो लोगन के प्रदेस के फेर शांति के टापू बनाये के शपथ दिलाई। ए बखत मुख्यमंत्री बघेल ह झीरमघाटी के शहीद के घर वाला ले मुलाकात करिस अउ शॉल-श्रीफल भेंट करिन।

मुख्यमंत्री बघेल ह श्रद्धांजलि सभा ल संबोधित करत ल किहिन के झीरम घाटी के घटना के दस बरस हो गे हावयं। हरसाल हम लोगन झीरम के शहीद ल नमन करत हावन अउ जब भी 25 मई आथे, हम सब के दिल भरजाथे। जेन बच गे ओमन घटना ल अपन आँखी ले देखिन, वो बतात रिहिस के घटना कतका भयावह रिहिस।

मुख्यमंत्री बघेल ह किहिन के ए घटना म शहीद होइस नेता ह बदलाव के बात कहे रिहिस। जेकर सुरू सरगुजा ले होइस रिहिस। हमर नेता कहत रिहिस के किसानमन, आदिवासी, युवा मन अउ महिला मन के जिनगी म बदलाव लाने हावय। बदलाव के संकल्प लेवइया हमर सबो बड़े नेता हमर बीच नइ रिहिन। ओमन झीरम म अपन शहादत दीस हावय।

झीरम घाटी शहादत दिवस के दसवीं बरसी म उद्योग मंत्री कवासी लखमा, लोकसभा क्षेत्र बस्तर के सांसद दीपक बैज, बस्तर विकास प्राधिकरण के अध्यक्षलखेश्वर बघेल, उपाध्यक्ष विक्रम मंडावी, संसदीय सचिव रेखचन्द जैन, विधायक मोहनमरकाम, श्रीमती संगीता सिन्हा, चंदन कश्यप, महापौर जगदलपुर श्रीमती सफीरा साहू, नगर पालिका अध्यक्ष श्रीमती कविता साहू, इंद्रावती बेसिन विकास प्राधिकरण केउपाध्यक्ष राजीव शर्मा, कमिश्नर श्याम धावड़े, आईजी सुंदरराज पी. कलेक्टर विजयदयाराम के., वरिष्ठ पुलिस अधीक्षक जितेंद्र मीणा सहित आन जनप्रतिनिधी मन ह तको शहीद ल श्रद्धांजलि दीस।