अंजोर.रायगढ़। पाछु महीना 6 अप्रैल के थाना लैलूंगा ले लोहडापानी लकरा टोकरी रोड के पास एक युवक के शव कच्ची सड़क किनारे पड़ा मिले रिहिस। मरइया के शिनाख्त टेकमणी पैंकरा पिता कुहूरू सिंगार उमर 18 साल निवासी लोहडापानी गोठानडांड थाना लैलूंगा के रूप म होइस। घटना ल लेके मरइया के ममा अशोक कुमार पैंकरा ह मर्ग इंटिमेशन दर्ज करके बताइन के टेकमणी पैकरा (मृतक) कोतबा हॉस्टल म रहिके कक्षा ग्यारहवीं म पढ़ाई करत रिहिस। 05 अप्रैल के हॉस्टल ले घर आये रिहिस अउ संझा 04-05 बजे करीब घर के मोटरसाइकिल लेके घूमे निकले रिहिस। आन दिन बिहनिया टेकमणी पैकरा के मां ओला खोजे ल निकलिस त टेकमणी के शव माड़ो गुफा रद्दा मोड़ के पास सड़क किनारे पड़े मिलिस उंकर मुड़ अउ शरीर म चोट लगे होए रिहिस, रिपोर्टकर्ता डहर ले मरइया के घर वाला के बताये मुताबिक टेकमणी के मउत मोटरसाइकिल ले स्वयं गिरकर एक्सीडेंट होना बताइन।
घटना के लेके मरइया के माता-पिता डहर ले तको टेकमणी के मउत रोड एक्सीडेंट ले होना बताइस। घटना के लेके थाना लैलूंगा म मर्ग पंचनामा कार्यवाही करके शव अउ घटनास्थल के बारीकी ले निरीक्षण करे गिस। मरइया के शरीर म आये चोट, मउका म परे बाइक अउ शव के स्थिति संदेहास्पद प्रतीत होइस, लैलूंगा पुलिस डहर ले प्रकरण के गंभीरता के देखत लघियात पीएम रिपोर्ट मिले करे गिस। पोस्टमार्टम रिपोर्ट म पीएमकर्ता डॉक्टर डहर ले मरइया के मउत ""हत्यात्मक"" बतात होइस बतात होइस टोंटा दबाने, दम माड़ी अउ मुड़ म प्राणघातक चोट के सेती जादा लहू स्राव ले मरइया के मउत होना बताइन।
शव मिले के ठऊर अउ मरइया के घर के दूरी जादा नइ रिहिस, थाना प्रभारी लैलूंगा उपनिरीक्षक रमाशंकर तिवारी अउ हमराह स्टाफ के संग जांच पड़ताल म मरइया के घर गिस। जिहां मरइया के घर के आंगन म गोबर ले लिपा-पोती अउ कई जगह जमीन के हल्की खुदाई (छिलाई) दिखिस। परछी, चौखट, कोलाबाड़ी ले लेके घर के पाछु आमरोड़ के तनि श्रृख्लाबद्ध रूप ले लहू जइसे दाग पड़े दिखिस। घटना जेन सामान्य एक्सीडेंट बतायी जा रेहे रिहिस वो म जांच टीम के संदेह होइस। मरइया के महतारी पिता ह बताइन के मुर्गे के काटे रिहिस उही के लहू होही।
थाना प्रभारी डहर ले वरिष्ठ पुलिस अधीक्षक सदानंद कुमार के वस्तुस्थिति ले आरो कराइन जेकर मार्गदर्शन म फॉरेंसिक विशेषज्ञ के टीम अउ जनप्रतिनिधि अउ गांव के प्रमुख मनखे मन के मरइया के घर म बुलाइन। फॉरेंसिक टीम डहर ले लहू के सैंपल कलेक्ट करके रासायनिक परीक्षण के खातिर भेजे गे रिहिस। फॉरेंसिक रिपोर्ट म कलेक्ट करे गे लहू के मानव लहू बताइन गे जेन म पुलिस टीम के मरइया के घरवालों म वारदात के अंजाम दे के संदेह होइस। थाना प्रभारी लैलूंगा डहर ले एसडीओपी धरमजयगढ़ दीपक मिश्रा के मार्गदर्शन म सबो संदेहियों के हिरासत म लेके कड़ी पूछताछ करे गिस। मरइया के माता-पिता जेन सुरू ले उंकर छोटे बेटा टेकमणी के मउत के एक्सीडेंट बता रिहिन रिहिस, उंकर भूमिका संदेहास्द पाये गे, संग ही गवाह ले मिले अउ उंकर बयान म भिन्नता रिहिस।
लैलूंगा पुलिस ह मरइया के माता-पिता के हिरासत म लेके पीएम रिपोर्ट अउ फॉरेंसिक रिपोर्ट के हवाला देके हिकमत अमली ले पूछताछ करे म दुनों हत्या के घटना स्वीकार करके बताए कि- घटना दिनांक 5 अप्रैल के टेकमणी हास्टल ले घर आये रिहिस जेन घर के मोटरसाइकिल के चलाने ले गे अउ काफी देर बाद घर लौटा जेला उंकर मां आरोपिया करमवती पैंकरा ह पढ़ाई लिखाई करत नइ हो सिरिफ घूमा करत हो कहि के डांट डपट की, जेन म टेकमणी अपन मां ले झगड़ा झगरा करे लगे । उहां मौजूद टेकमणी के पिता कुहूरू सिंगार ह तको बेटा के उंकर मां ले झगड़ा झगरा करे म डांटा त दुनों पिता-पुत्र म झगरा होइस। इही बीच कुहूरू सिंगार डंडा उठाके उंकर बेटा टेकमणी के मारपीट करिन जेकर मुड़ म आये चोट ले टेकमणी उहें गिरकर फौत हो गे जेकर बाद दुनों पति-पत्नी शव के बोरे म भरके घर के पाछु कोलाबारी होवत मोटरसाइकिल म शव के लादकर लोहडापानी लकरा टोंगरी रोड मोड के पास फेंक आए रिहिस जेकर ले घटना, रोड एक्सीडेंट लगे । घटना के बाद दुनों ह लकड़ी के डंडा अउ बोरा के आग म जलाकर राख तको नष्ट करके दे अउ जमीन म गिरे लहू के छिंटों के छुपाने के खातिर लीपा पोती के संग जमीन के हल्की खुदाई (छिलाई) कर दिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।