अंजोर.एजेंसी। राजस्व आसूचना निदेशालय (डीआरआई) मुंबई ह 3 अउ 4 जून, 2023 के दू आने-आने मामला म 10 किग्रा ले जादा सोना जब्त करिन हावय। मिले आरो के मुताबिक विशेष सूचना के आधार म पहिली मामला म, 2 यात्री एयर इंडिया एक्सप्रेस के उड़ान संख्या आईएक्स 252 ले शारजाह ले मुंबई पहुंचिस अउ ओला पकड़े गिस। जांच के बखत उन यात्री ले बिदेसी मार्किंग वाला 24 कैरेट के 8 सोने के बार्स बरामद होइस। उंकर वजन 8 किग्रा रिहिस अउ यात्री ह सोना अपन कनिहा के चारों तनि कपड़ा के भीतर छिपा के रखे रिहिस। एक आन खुफिया जानकारी म तेजी ले कार्रवाई करत यात्री के एक अउ संगी के पकड़े गिस। जांच के बखत बरामद 8 किलो वजन के बार के रूप म सोना जब्त करे गिस, जेकर कीमत 4.94 करोड़ रूपिया रिहिस। पहिली मामला म तीन लोगन ल गिरफ्तार करे गे हावय।
दूसरा मामला म, 3 जून, 2023 के दुबई ले आत एक आन भारतीय नागरिक ल छत्रपति शिवाजी महाराज अंतर्राष्ट्रीय (सीएसएमआई) हवाई अड्डे ले पकड़ा गिस। वो यात्री के सामान के जांच के गे अउ ए बखत उंकर सामान ले 56 लेडीज क्लच (पर्स) बरामद होइस। महिला मन के सबो क्लच के धातु के स्ट्रिप्स के चांदी के रंग के तार के रूप म 24 कैरेट सोना के चालाकी ले छुपाया गे रिहिस।
बरामद होइस सोना के तार के कुल वजन 2005 ग्राम रिहिस अउ ओकर अनुमानित कीमत 1,23,80,875 रूपिया रिहिस। वो यात्री ल गिरफ्तार कर ले गे हावय। दूसर जब्ती म साफ रूप ले सुशिक्षित मनखे सामिल हावयं जेन सोना के तस्करी के योजना अउ ओला अंजाम दे म सोज तौर म जुड़े हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।