गृहमंत्री ताम्रध्वज साहू ह 21 करोड़ 04 लाख रूपिया के अंतर्राज्यीय पुल बनाये बुता के करिन शुभारंभ

अंजोर.रायपुर। लोक निर्माण अउ गृह मंत्री ताम्रध्वज साहू ह आज बलरामपुर के विकासखण्ड रामचन्द्रपुर के गांव सनावाल म 21 करोड़ 04 लाख रूपिया के लागत ले बनइया अंरर्राज्यीय पुल बनाये के बुता के सुरू करिन। ए मउका म ओमन क्षेत्रीय विधायक के मांग म रामचन्द्रपुर म नवा विश्राम गृह बनाये के घोसना करिस। ए बखत मंत्री साहू ह आने-आने विभाग डहर ले लगाए गे विभागीय योजना मन म आधारित स्टालों के निरीक्षण करिन। ओमन उपस्थित जनसमुदाय के संबोधित करके शासन के जनकल्याणकारी योजना मन ले आरो कराते होइस उपलब्धि के जानकारी दीस। ए मउका म संसदीय सचिव अउ सामरी विधायक चिंतामणि महाराज, रामानुजगंज विधायक अउ सरगुजा विकास प्राधिकरण के उपाध्यक्ष बृहस्पत सिंह, कलेक्टर रिमिजियुस एक्का, पुलिस अधीक्षक डॉ. लाल उमेद सिंह, मुख्य कार्यपालन अधिकारी जिला पंचायत श्रीमती रेना जमील उपस्थित रिहिस।

कार्यक्रम ल संबोधित करत होइस गृहमंत्री ताम्रध्वज साहू ह किहिन के क्षेत्र म आम जनता के सुविधा के देखत पुल बनाये बुता सुरू करे गे हावय। ओमन सबो क्षेत्रवासी मन के पुल बनाये बुता सुरू होए के बधाई देत होइस किहिन के ए अंतर्राज्यीय पुल के बनाये ले इहां के जनता के पड़ोसी राज्य के खातिर आवागमन के बढि़या सुविधा मिलही।

रामचंद्रपुर-धौली, बालचौरा रद्दा म कन्हर नदी म लगभग 15 करोड़ 20 लाख के लागत ले उच्च स्तरीय पुल अउ पचावल-त्रिशूली रद्दा म पांगन नदी म लगभग 05 करोड़ 84 लाख के लागत ले पुल के पुनर्निर्माण ले न सिरिफ जिला के गांव आपस म जुड़ जाही बल्कि पड़ोसी राज्य ले तको बढि़या जुड़ाव हो सकही। सीमावर्ती जिला होए के सेती इहां के जनता के रिश्तेदार पड़ोसी राज्य म निवासरत हावयं, अइसे म ए पुल के बनाये ले आवागमन के अच्छा सुविधा मिलही। अब नदी के पानी उंकर खातिर बाधा नइ बनही। कार्यक्रम के संसदीय सचिव चिंतामणी महाराज, रामानुजगंज विधायक बृहस्पत सिंह ह तको सम्बोधित करिन।