अंजोर.रायपुर। जे.ई.ई. एडवांस 2023 के परीक्षा परिणाम घोसित कर दिये गे हावयं। प्रदेस म आदिम जाति अउ अनुसूचित जाति विकास विभाग ले संचालित प्रयास आवासीय स्कूल के लइका मनह उत्कृष्ट प्रदर्शन करिन हावय। आईआईटी गुवाहाटी डहर ले जेईई एडवांस 2023 के घोसित परिणाम म ए साल जेईई एडवांस परीक्षा म बइठे प्रयास आवासीय स्कूल के 141 पढ़ईया मन म ले 57 ह क्वालीफाई करिन हावय। एमे ले 28 पढ़ईया मन के आईआईटी अउ 29 के एनआईटी म चयन संभावित हावय। मुख्यमंत्री भूपेश बघेल अउ आदिम जाति अउ अनुसूचित विकास मंत्री डॉ. प्रेमसाय सिंह टेकाम ह पढ़ईया मन के ए उपलब्धि म बधाई देत उंकर उज्जवल भविष्य के कामना करे हावय।
सफलता पाये पढ़ईया मन म प्रयास बालक आवासीय स्कूल रायपुर के परिणाम सबले अच्छा रिहिन हावय। इहां ले जेईई एडवांस परीक्षा म सामिल 31 पढ़ईया मन म ले 15 ह एडवांस क्वालीफाई करिन हावय। एमे ले 10 के आईआईटी अउ 06 के एनआईटी म चयन संभावित हावय। प्रयास कन्या आवासीय स्कूल रायपुर के परीक्षा म बइठे 19 म ले 07 लइका ह जेईई एडवांस क्वालीफाई करिन हावय। एमे ले 04 के आईआईटी अउ 02 के एनआईटी म चयन संभावित हावय।
प्रयास अंबिकापुर के परीक्षा म बइठे 07 म ले 02 लइका ह जेईई एडवांस क्वालीफाई करिन हावय। प्रयास दुर्ग के परीक्षा म बइठे 24 म ले 02 पढ़ईया मन ह जेईई एडवांस क्वालीफाई करिन हावय अउ 05 के एनआईटी म चयन संभावित हावय। प्रयास कांकेर के परीक्षा म बइठे 14 म ले 02 पढ़ईया मन ह जेईई एडवासं क्वालीफाई करिन अउ 04 के एनआईटी म चयन संभावित हावय। प्रयास जशपुर के परीक्षा म बइठे 13 म ले 02 पढ़ईया मन ह जेईई एडवांस क्वालीफाई करिन अउ 04 के एनआईटी म चयन संभावित हावय।
इही रकम ले प्रयास कोरबा के परीक्षा म बइठे 08 पढ़ईया मन म ले 02 के एनआईटी म चयन संभावित हावय। प्रयास बिलासपुर के परीक्षा म बइठे 12 पढ़ईया मन म ले 01 के एनआईटी म चयन संभावित हावय। प्रयास जगदलपुर के परीक्षा म बइठे 13 पढ़ईया मन म ले 02 ह जेईई एडवांस क्वालीफाई करिन अउ 05 के एनआईटी म चयन संभावित हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।