अंजोर.नई दिल्ली। भारत के आध्यात्मिक राजधानी वाराणसी उत्तर प्रदेस म सनिच्चर के भारतीय प्रौद्योगिकी संस्थान (आईआईटी)-बनारस हिंदू विश्वविद्यालय (बीएचयू) परिसर म तीसरइया खेलो इंडियन यूनिवर्सिटी गेम्स (केआईयूजी) 2022 के एक सादा अउ शांत माहौल म समापन होइस।
ए मउका म केंद्रीय युवा मामला अउ खेल मंत्री अनुराग सिंह ठाकुर अउ उत्तर प्रदेस के मुख्यमंत्री योगी आदित्यनाथ अउ केन्द्रीय युवा मामला अउ खेल राज्य मंत्री निशीथ प्रमाणिक तको मौजूद रिहिस।
ए मउका म ओडिशा म रेल त्रासदी के पीड़ित मन ला सुरता करे गिस। सबो ह काली होइ हादसा म जान गंवाने वाला ल दू मिनट के मौन रखके श्रद्धांजलि दीस। कार्यक्रम के शुरुआत गणेश वंदना ले होइस अउ उंकर बाद योगासन के प्रदर्शन होइस।
खेलो इंडिया यूनिवर्सिटी गेम्स (केआईयूजी) 2022 उत्तर प्रदेश, उच्च शिक्षा स्तर म भारत के सबले बड़का बहु-खेल प्रतियोगिता के तीसरा संस्करण हावय, जेमा 200 ले जादा विश्वविद्यालय के 4000 ले जादा एथलीटों ह 12 प्रतियोगिता दिन म 21 खेल म प्रतिस्पर्धा करिस। अंत म, पंजाब विश्वविद्यालय, चंडीगढ़ (पीयूसी) के 26 स्वर्ण, 17 रजत अउ 26 कांस्य पदक के संग समग्र चैंपियन घोसित करे गिस, जेकर ले वो आन संस्करण म जैन विश्वविद्यालय ले हारे पद ल फेर पा सके। गुरु नानक देव विश्वविद्यालय, अमृतसर (जीएनडीयू) जेन आन ठऊर म आये (24 स्वर्ण, 27 रजत, 17 कांस्य) अउ जैन विश्वविद्यालय, कर्नाटक (16 स्वर्ण, 10 रजत, 6 कांस्य) जेन तीसरा ठऊर म आए, सबो के समारोह म शानदार विजेता ट्राफी दे गिस।
ए मउका म समारोह के संबोधित करत, योगी आदित्यनाथ ह कहिन,“ मैं उन सबो लोगन के प्रति सम्मान व्यक्त करना चाहत हावं, जेन मन ओडिशा के बालासोर म काली होए रेल दुर्घटना म अपन प्रियजन ल खो दे हावय। पाछु दू हफ्ता में, हमन ल पूरा भारत के 4000 ले जादा एथलीट के मेजबानी करे के सम्मान मिले, जेन मन कुछ उत्कृष्ट खेल कौशल देखाइस। हमर देश में, प्रधानमंत्री नरेन्द्र मोदी के दूरदर्शिता के तहत खेल नवा ऊंचाई म पहुंचत रिहिन हावयं। हमन पाछु नौ साल म पहिली ले कहूं जादा पदक जीते हावयं अउ खेल के बुनियादी ढांचे म सुधार एक गर्व के बात हावय।
ग्रामीण अउ शहरी क्षेत्र म खेल के मैदान अउ स्टेडियम बनाए जात रिहिन हावयं ताकि जादा ले जादा लइका के खेल के खातिर सशक्त अउ प्रोत्साहित करिन जा सके। राज्य म 65 हजार ले जादा खेल किट पहिली ही उपलब्ध करा दीस गे हावयं। खेलो इंडिया यूनिवर्सिटी गेम्स भारत के खेल महाशक्ति बनाये के प्रधानमंत्री नरेंद्र मोदी जी के सपना के साकार करे के एक उदाहरण हावय।
ग्रीष्मकाल के सेती खेल के आयोजन के लेके हमर बड़का चिंताएँ थीं, फेर उत्कृष्ट संगठन टीम अउ खिलाड़ी ह एला अब तक के सबले सफल खेल बना दे अउ मैं उंकर आभार व्यक्त करे चाहूंगा। हम टूर्नामेंट के समापन प्रधानमंत्री के चुनाव क्षेत्र म शानदार तरीका ले करे चाहत रिहिस, फेर ओडिशा म होए दुर्भाग्यपूर्ण भीषण रेल दुर्घटना के सेती हमन अइसे नइ करे के फइसला करिन।
श्री अनुराग सिंह ठाकुर ह अपन संबोधन म कहा, “ शुरुआत म मैं उन सबो लोगन के प्रति सम्मान व्यक्त करे चाहत हावं जेन मन काली दुर्भाग्यपूर्ण रेल दुर्घटना म जान गंवाई। मैं कहना चाहूंगा के उत्तर प्रदेस ह अब तक के सबले अच्छा खेलो इंडिया यूनिवर्सिटी गेम्स दे हावय। राज्य म खेल अउ खिलाडिय़ों के काफी महत्ता दे जात हावय। प्रधानमंत्री नरेन्द्र मोदी अउ मुख्यमंत्री योगी आदित्यनाथ के कुशल अगुवई में, उत्तर प्रदेस ह खेलो इंडिया यूनिवर्सिटी गेम्स के सफल आयोजन के सुनिश्चित करिन हावय।
ओमन कहा, “ मैं उत्तर प्रदेस सरकार के पूरा टीम अउ सबो मेजबान विश्वविद्यालय के बधाई देत हावं अउ उंकर प्रति आभार व्यक्त चाहत हावं। उत्तर प्रदेस सरकार ह हमर एथलीटों के आराम के खातिर कोनो कसर नइ छोड़े अउ मैं भारत सरकार के तनि ले यूपी सरकार के धन्यवाद देना चाहत हावं। येकर अलावा, सिगरा, वाराणसी म एक आधुनिक सुविधा के बनाये करे जात हावय, जेला जल्दीद ही सबो एथलीटों के सौंप दे जाही। हम जल्दीा ही भारत के खेल महाशक्ति बनाबो। ”
ए मउका म उपस्थित आन गणमान्य मनखे मन म गिरीश चंद्र यादव, खेल मंत्री, उत्तर प्रदेश, संजय निषाद, मंत्री मत्स्य, उत्तर प्रदेश, डी एस मिश्रा, मुख्य सचिव, उत्तर प्रदेस सरकार, नवनीत सहगल, अकताहा मुख्य सचिव, खेल विभाग उत्तर प्रदेस सामिल रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।