राष्ट्रीय रोप स्किपिंग प्रतियोगिता म छत्तीसगढ़ के खिलाड़ी मन मुंबई म जीतिस मेडल

अंजोर.एजेंसी। राष्ट्रीय रोप स्किपिंग (रस्सी कूद) के अखिल भारतीय प्रतियोगिता मुंबई म आयोजित करे गे रिहिस। राष्ट्रीय रोप स्किपिंग प्रतियोगिता सामिल होए खातिर प्रदेस के टीम तको पहुंचे रिहिस। मिले आरो के मुताबिक रोप स्कीपिंग म छत्तीसगढ़ के खिलाड़ी मन 5 गोल्ड, 3 सिल्वर अउ 4 ब्राउस मेडल जीते हावय।

छत्तीसगढ़ रोप स्किपिंग टीम वासुदेव पटेल ल गोल्ड, निलाभ पटेल ल सिलवर, योगेन्द्र ध्रुव ल गोल्ड अउ ब्राउंस, ओकेश पटेल ल गोल्ड अउ ब्राउंस, योगेन्द्र निर्मलकर ल गोल्ड अउ सिल्वर मेडल मिलिस। खिलाड़ी मनके प्रदर्शन ले निश्चित ही छत्तीसगढ़ प्रदेश ह गौरवंतित होए हावय। 

रोप स्किपिंग टीम कोच रजनीकांत पटेल, मैनेजर राजाराम देवांगन सहित सबो खिलाड़ी मनला अइसन बड़का उपलब्धी बर शुभकामना देवत छत्तीसगढ़ के बड़का लोक संगीतज्ञ संगीत नाटक‍ अकादमी अवार्ड ले सम्मानित राकेश तिवारी मन सोशल मीडिया म जानकारी अउ फोटो शेयर करत गाड़ा गाड़ा बधाई दे हावय।