सबो प्रदेसवासी मनला रजुतिया परब (रथयात्रा) के बधाई अउ सुभकामना : मुख्यमंत्री भूपेश बघेल

अंजोर.रायपुर। मुख्यमंत्री भूपेश बघेल ह प्रदेसवासी मनला रजुतिया परब (रथयात्रा) के बधाई अउ सुभकामना दीस हावय। ओमन ए मउका म भगवान जगन्नाथ ले सबो नागरिक के सुख, समृद्धि अउ खुसयाली के प्रार्थना के हावय। बघेल ह रजुतिया परब (रथयात्रा) के पहिली जारी अपन बधाई संदेश म किहिन हावय के भारत म महाप्रभु जगन्नाथ के धाम पुरी सहित सबो ठऊर मन म  रथयात्रा निकाले जात हावयं। ये भारत के मजबूत सांस्कृतिक एकता अउ सौहार्द्र के चिन्हारी हावय। मुख्यमंत्री ह किहिन हावय के जुन्ना काल ले ही छत्तीसगढ़वासी के भगवान जगन्नाथ म आस्था रेहे हावय। उत्कल समाज के संग सबो छत्तीसगढ़वासी हरेक साल भक्ति भाव अउ श्रद्धा के संग भगवान जगन्नाथ, उंकर भाई बलभद्र अउ बहिनी देवी सुभद्रा के रथयात्रा निकालते हावयं।