विश्व पर्यावरण दिवस : मुख्यमंत्री ह अपन निवास परिसर म लगाईस आंवला

अंजोर.रायपुर। मुख्यमंत्री भूपेश बघेल ह विश्व पर्यावरण दिवस के मउका म अपन निवास परिसर म आंवला के पौधा लगाईस। ओमन ए मउका म प्रदेसवासी ले अपन घर म अउ आस-पास पौधा लगाये अउ पौधा के जीवित रखे के जिम्मेदारी ले के अपील करिस। बघेल ह किहिन के आने वाला मानसून म जादा ले जादा वृक्षारोपण करें अउ अपन गांव, गौठान, खेत अउ जंगल के खूब हरा-भरा बनाएं।

मुख्यमंत्री ह किहिन के राज्य सरकार पर्यावरण के संरक्षण के खातिर हर संभव प्रयास करत हावय। राज्य सरकार के गोधन न्याय योजना के एक उद्देश्य पर्यावरण के संरक्षण अउ संवर्धन करे तको हावय। राज्य सरकार डहर ले सुराजी गांव योजना, मुख्यमंत्री वृक्षारोपण प्रोत्साहन योजना, पेड़ संपदा योजना, कृष्ण कुंज योजना, नदी तट वृक्षारोपण, फलदार पौधा रोपण जइसे योजना मन के माध्यम ले अपन पर्यावरण के लगातर बढि़या बनाये के काम करे जात हावय।