बालाजी मेट्रो हॉस्पिटल के शुभारंभ करिन मुख्यमंत्री भूपेश बघेल

अंजोर.रायगढ़। मुख्यमंत्री भूपेश बघेल ह रायगढ़ जिला म बालाजी मेट्रो हॉस्पिटल के नवा बने भवन के सुरू करिन। 400 खटिया के ए सुपर स्पेशलिटी हॉस्पिटल म मरीज मन के अब एडवांस कैथ लैब, आईसीयू के सुविधा मिलही।बालाजी हॉस्पिटल म 12 वेंटीलेटर के संग 70 खटिया के एडवांस आईसीयू सेटअप तइयार करे गे हावय, जेकर ले जिला के आसपास के गंभीर मरीज मन के बढि़या इलाज सुविधा मिलहि। ए अस्पताल म एडवांस कैथ लैब तको स्थापित करे गे हावय ताकि दिल के बीमारी ले जुड़े मरीज मन के बढि़या इलाज मिल सके।

बालाजी सुपर स्पेशलिटी अस्पताल म एक्मो मशीन के संग रेस्पिरेटरी विभाग, आधुनिक डायलिसिस मशीन, नेफ्रोलॉजी विभाग, एडवांस गैस्ट्रो विभाग, न्यूरोलॉजी अउ यूरोलॉजी विभाग सहित शुगर जांच के पर्याप्त सुविधाउपलब्ध हावय।

ए मउका म स्कूल शिक्षा मंत्री प्रेमसाय सिंह टेकाम, खाद्य मंत्री अमरजीत भगत, खेल अउ उच्च शिक्षा विभाग के मंत्री उमेश पटेल, पूर्व सांसद नंदकुमार साय, रायगढ़ विधायक प्रकाश नायक, चंद्रपुर विधायक राम कुमार यादव, रायगढ़ नगर निगम महापौर श्रीमती जानकी काटजू सहित जनप्रतिनिधि अउ अधिकारी मौजूद रिहिस।