अंजोर.रायपुर। छत्तीसगढ़ राज्य चुनाव आयोग डहर ले जारी कार्यक्रम मुताबिक त्रिस्तरीय पंचायत मन के 198 सीट जेमा जिला पंचायत, जनपद पंचायत सदस्य, सरपंच, पंच के, अवइया 27 जून के मतदान होना हावय। येकर देखत राज्य शासन ह त्रिस्तरीय पंचायत आम/उप चुनाव 2023 बर संबंधित चुनाव क्षेत्र म मतदान समाप्ति के 48 घंटा पहिली ले लेके 27 जून मतगणना समाप्ति तक शुष्क अवधि/दिवस घोसित करिन हावय। जानबा हो के त्रिस्तरीय पंचायत मन के खातिर मतगणना, मतदान के दिन ही मतदान केन्द्र म के जाही। अतः मतगणना समाप्ति तक संबंधित चुनाव क्षेत्र म शुष्क दिवस रइही। राज्य शासन ह त्रिस्तरीय पंचायत मन के आम/उप चुनाव के तहत् अवइया 27 जून के संबंधित चुनाव क्षेत्र के खातिर सार्वजनिक/सामान्य छुट्टी के घोसना तको करे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।