हरेली के मउका म ‘छत्तीसगढ़िया ओलंपिक’ होही शुरूआत, पिट्ठुल, कबड्डी, रस्सा कस्सी, बांटी, फुगड़ी, गेड़ी दौड़, भौंरा अउ रस्सी कूद उक के खेल

अंजोर.धमतरी। छत्तीसगढ़ी संस्कृति अउ लोक खेल के ग्रामीण क्षेत्र म एक खास ठऊर  हावय। लोक संस्कृति के इही विधा मन म ले पारंपरिक खेल के आनंद हरेली तिहार ले सुरू होके तीज तिहार मन अउ आन पर्व म देखे के मिलत हावय। पारंपरिक खेल लोक रंजन के मुख्य साधन हावय। लोक रंजन के परिकल्पनाओं के साकार करे अउ जुन्ना खेल परंपरा के सहेजने के उद्देश्य ले छत्तीसगढ़िया ओलंपिक खेल के आयोजन करे जात हावय।

कलेक्टर ऋतुराज रघुवंशी के निर्देश म जिला म छत्तीसगढ़िया ओलंपिक के शुरुआत  गांव भोयना ले करे जात हावय।छत्तीसगढ़िया ओलंपिक के नोडल अधिकारी अउ जिला पंचायत के मुख्य कार्यपालन अधिकारी श्रीमती राक्तिमा यादव ह बताइन के 17 जुलाई 2023 के हरेली तिहार के मउका म जिला के गांव पंचायत भोयना स्थित सरकारी हाईस्कूल परिसर म ’’छत्तीसगढ़िया ओलंपिक’’ कार्यक्रम के आयोजन करिन जाही। कार्यक्रम के मुख्य पहुना विधायक धारसीवा श्रीमती अनिता शर्मा विधायक धरसींवा होही। शासन के निर्देश के मुताबिक छत्तीसगढ़िया ओलंपिक कार्यक्रम म पिट्ठुल, कबड्डी, रस्सा कस्सी, बांटी, फुगड़ी, गेड़ी दौड़, भौंरा अउ रस्सी कूद गांव वाला के मुख्य आकर्षण रइही। 

ये कार्यक्रम मुख्य रूप ले छत्तीसगढ़ के पारंपरिक खेल गतिविधी के ग्रामीण अउ नगरीय क्षेत्र म प्रोत्साहित करने, भाग लेवइया मन के मंच दे करने, ओमा खेल के प्रति जागरूकता बढ़ाये अउ खेल भावना के विकास करे बर करे जात हावय। ये आयोजन 17 जुलाई ले 22 जुलाई 2023 तक राजीव युवा मितान क्लब स्तर, 26 जुलाई ले 31 जुलाई 2023 तक जोन स्तर (08 क्लब के मिले कर एक जोन होही), 07 अगस्त ले 21 अगस्त 2023 तक विकासखंड, नगरीय क्लस्टर स्तर, 25 अगस्त ले 04 सितम्बर 2023 तक जिला स्तर म होही। एमे महिला अउ पुरूष वर्ग के 18 साल ले 40 साल उमर के भाग लेवइया सामिल होही। श्रीमती यादव ह ये तको बताइन के लोकरंजन के परिकल्पनाओं के साकार करे अउ जुन्ना खेल परंपरा के सहेजने के उद्देश्य ले छत्तीसगढ़िया ओलंपिक के आयोजन करे जात हावय।