मुख्यमंत्री भूपेश बघेल यू-टयूबर्स अउ सोशल मीडिया इंफ्लुएंसर्स अउ लोक कलाकार मन ले करही मुलाकात

अंजोर.रायपुर। मुख्यमंत्री भूपेश बघेल आम जनता ले भेंट-मुलाकात के बाद 15 जुलाई के संझा यू टयूबर्स अउ सोशल मीडिया इंफ्लुएंसर ले भेंट- मुलाकात करही। इही क्रम म मुख्यमंत्री बघेल 16 जुलाई के छत्तीसगढ़ के लोक कलाकार मन के संग भेंट-मुलाकात करके रूबरू होही।

मुख्यमंत्री भूपेश बघेल के मानना हावय के अपन योगदान ले यू टयूबर्स अउ सोशल मीडिया इंफ्लुएंसर के संग हमर छत्तीसगढ़ के लोक कलाकार हमर सुंदर अउ समृद्ध छत्तीसगढ़ के प्रतिष्ठा बढ़े हावयं। ये रचनात्मक के क्षेत्र हावय, जेन लोगन ह ए क्षेत्र के अपन कलात्मक अभिव्यक्ति के खातिर चुना हावय। उंकर प्रोत्साहन अउ उत्साहवर्धन जरूरी हावय। इही उद्देश्य ले मुख्यमंत्री ह इंकर संग अपन भेंट-मुलाकात तय के हावय।

छत्तीसगढ़ के लोक कलाकार मन के हमेशा ले लोगन के बीच अच्छा खासी पैठ हावय। अइसे हो भी काबर नइ काबर के छत्तीसगढ़वासी मनके अपन माटी के संस्कृति के संग गहरा लगाव हावय। उहें यू टयूबर्स अउ सोशल मीडिया इंफ्लुएंसर ह अपन रचनात्मकता अउ कल्पनाशीलता ले एला लोकप्रिय बनाये म कोनो कसर नइ छोड़य।

जानबा होवय के सोशल मीडिया प्लेटफार्म युवा मन के बीच काफी लोकप्रिय हावय, सूचना के सम्प्रेषण अउ मनोरंजन जगत म येकर प्रभावी भूमिका ले इंकार नइ करे जा सकत। छत्तीसगढ़ के लोक कलाकार मन के छत्तीसगढ़िया संस्कृति के आगू बढ़ाये म अतुलनीय योगदान रिहिन हावय। नवा जमाना के चलन के संग ये कलाकार मन ह अपन प्रस्तुति म रोचकता अउ लोगन के बीच अपन आकर्षण बनाए रखे हावय। जनसमुदाय के बड़े उत्सुकता के संग ये कलाकार मन के प्रस्तुति के इंतजार रहय हावय।

सोशल मीडिया प्लेटफार्म के माध्यम ले छत्तीसगढ़ राज्य अउ येकर गौरवशाली संस्कृति के देश अउ दुनिया के आगू प्रभावशाली अउ रोचक ढंग ले प्रस्तुत करे म यू टयूबर्स अउ सोशल मीडिया इंफ्लुएंसर के संग छत्तीसगढ़ी लोक कलाकार अपन बहुमूल्य योगदान दे रिहिन हावयं, जेकर जतका बढ़ई के जाए कम हावय। इंकर डहर ले अपन रचनात्मकता, सोशल नेटवर्किंग कौशल के संग प्रभावशाली प्रस्तुति लोगन के बीच विश्वास कायम करत हावयै। मुख्यमंत्री ये लोगन ले भेंट-मुलाकात करके अपन विचार साझा करही अउ येकर बात के तको पूरा गंभीरता ले सुनहीं।