मुख्यमंत्री भूपेश बघेल ह युवा मनला बलाईस राजनीति म, किहिन के तुँहर आये ले ही प्रदेस आगू बाढ़ही

अंजोर.रायपुर। मुख्यमंत्री भूपेश बघेल ह राजधानी रायपुर के बूढ़ापारा के इन्डोर स्टेडियम म युवा मन के संग भेंट-मुलाकात कार्यक्रम म सामिल होइस। कार्यक्रम के सुरू म धमतरी ले आये युवा सोमेश्वर गंजीर ह ऋग्वेद के श्लोक के संग सपना के छत्तीसगढ़ विषय म जोशीला तरीका ले अपन बात रखिस। मुख्यमंत्री भूपेश बघेल जोशील भासन ले अतका खुश होइस के सोमेश्वर ल अपन पास बुलाके गला लगे लिस अउ मुड़ म हाथ रखके आर्शिवाद दीस। मुख्यमंत्री ह सोमेश्वर के खातिर युवा मन ले खचा-खच भरे स्टेडियम म ताली बजवाइस।

मुख्यमंत्री ले इंजीनियरिंग के पढ़इया लइका शगुन श्रीवास्तव ह पूछिस के तुँहर सरकार युवा मन के राजनीति म लाने के खातिर का प्रयास करत हावय। एमा मुख्यमंत्री ह किहिन के प्रदेस के जतका जादा युवा राजनीति म आही ओतका ही जादा लोगन के पढ़े-लिखे युवा मन के अगुवई मिलही अउ हमर प्रदेस आगू बाढ़ही। मुख्यमंत्री ह युवा मन के राजनीति म आये के आह्वान करिन। धमतरी के भुजेश कुमार ह मुख्यमंत्री ले उंकर पढ़ाई के बखत आये समस्या के बारे म पूछिस। मुख्यमंत्री ह विस्तार ले बताइन के नानपन म गांव म सड़क, बिजली, नाली के समस्या ल देखत रिहिस। मोला लगता रिहिस के विधायक ही ए समस्या के समाधान करत हावय। मोर मन म तको आये के मैं एक दिन विधायक बनवं। मै सुरू ले अउ सरलग संषर्घ के बाद आज ए मुकाम म पहुंचे हवं। मै पूरा कोशिश करत हावं के लोगन ल कोनो रकम ले के समस्या नी हो।

रायपुर संभाग के आने-आने क्षेत्र ले आये बड़े संख्या म युवा मन ले मुख्यमंत्री सोज रूबरू होइस। ए बखत युवा मन ह मुख्यमंत्री तीर अपन बात रखी। मुख्यमंत्री ह न सिरिफ उंकर बाते सुनिस बल्कि मउका म ही युवा मन के मांग म कई अहम घोषाणाएं करिस। मुख्यमंत्री ह युवा मन के मांग म दन्त डॉक्टर मन के 2 साल ग्रामीण क्षेत्र म पदस्थ करने, सरकारी कन्या कॉलेज धमतरी म पीजी कोर्स सुरू करने, स्वास्थ्य केन्द्र म फीजियोथेरेपिस्ट के नियुक्ति, फीजियोथेरेपी कॉलेज म छात्रावास के बेवस्था सहित छत्तीसगढ़ी भाषा म अध्यापक भरती करे के घोसना करिस। भेंट-मुलाकात युवा मन के संग कार्यक्रम के सुरू राजगीत अरपा पैरी के धार ले होइस।

कार्यक्रम म मुख्यमंत्री के तीर युवा मन ह मोर सपना के छत्तीसगढ़ म अपन विचार, कविता अउ भासन के प्रस्तुत करे । उंकर पाछु मुख्यमंत्री ह युवा मन ले गोठबात करिस। पीएससी के तइयारी करके रिहिन पढ़ईया प्रणव कुमार ह प्रारंभिक परीक्षा के मार्कशीट जारी करे अउ पारदर्शिता के खातिर उचित उपाय करे के बात कही। मुख्यमंत्री ह ए म अमल करे के आश्वासन दे। धर्मेश नायक ह किहिन के हमन टैटू आर्ट के कोर्स करिन हावय। ओमन महादेवघाट के कला केंद्र के रूप म घोसित करे के मांग के जेकर ले टैटू कलाकार मन के प्रोत्साहन मिले। मुख्यमंत्री ह ए सुझाव म विचार करके कार्यवाही करे के बात कही।

इंदिरा कला संगीत विश्वविद्यालय के पढ़ईया भोजराज धनगर ह स्कूल स्तर म प्रशिक्षित कला के शिक्षक नियुक्त करे के गेलौली करिन। मुख्यमंत्री ह किहिन अभी संगीत विश्वविद्यालय ले संबंद्ध कॉलेज खोले जा रिहिन हावयं, उंकर बाद निश्चित रूप ले स्कूली स्तर म तको ले लागू करे जाही। कसडोल के देवेंद्र सतनामी ह कॉलेज म पढ़े वाला पढ़इया लइका के सुविधा के धियान म रखत होइस कॉलेज अवइया-जवइया के खातिर बस म फोकट म टिकट के मांग करिस। मुख्यमंत्री ह ए सुझाव म सकारात्मक पहल करे के आश्वासन दे।

कार्यक्रम म छत्तीसगढ़ी लोक गायिका सुश्री आरू साहू, ऋषि वालिया बैंड इंडियन रोलर्स अउ राहुल नायक के बैंड के प्रस्तुति होइस। जब तको रायपुर आओगे आधारित विडियो के विमोचन होइस। ए मउका म आदिम जाति विभाग मंत्री मोहन मरकाम, संसदीय सचिव विकास उपाध्याय, छत्तीसगढ़ हाउसिंग बोर्ड के अध्यक्ष विधायक कुलदीप जूनेजा, विधायक डॉ. लक्ष्मी ध्रुव सुश्री संकुतला साहू, श्रीमती अनिता योगेश शर्मा खनिज विकास निगम के अध्यक्ष गिरीश देवांगन, भवन सन्निर्माण कर्मकार मंडल के अध्यक्ष सन्नी अग्रवाल, मुख्य सचिव अमिताभ जैन, अपर मुख्य सचिव सुब्रत साहू, मुख्यमंत्री के सचिव सिद्धार्थ कोमल परदेशी, खेल अउ युवा कल्याण के सचिव एन.एन.एक्का. रायपुर कमिश्नर संजय अलंग, कलेक्टर डॉ. नरेन्द्र सर्वेश्वर भूरे सहित आन जनप्रतिनिधि अधिकारीगण उपस्थित रिहिस।