मुख्यमंत्री स्कूल जतन योजना ले संवरत हाबे अब स्कूल

अंजोर.रायपुर। छत्तीसगढ़ शासन के महत्वाकांक्षी मुख्यमंत्री स्कूल जतन योजना ले अब जिला के स्कूल संवरे लगे हावयं। जिला म योजना ले स्कूल भवन मरम्मत नवीनीकरण अउ जीर्णोद्धार बुता के संग उपराहा कक्ष बनाये जात हावय। मुख्यमंत्री भूपेश बघेल के मंशा के मुताबिक स्कूल के कायाकल्प होए ले अब लइका के पढ़ाई बर बढि़या परिवेश मिलही, जेकर ले लइका म पढ़ाई बर एक नवा उमंग पैदा होही।

मुख्यमंत्री स्कूल जतन योजना म अब तक प्रदेस म 1914 स्कूल भवन के कायाकल्प करे जा चुके हावय। योजना के तहत स्कूल म छत के सुधार, टाईल्स, दीवार म रंग-रोगन, शौचालय के रिपेयरिंग के संग ही स्कूल के साज-सज्जा तको करे हावय। जिला म स्कूल के रंगाई के बुता गोबर ले बने प्राकृतिक पेंट ले करे जात हावय, येकर ले स्कूल भवन देखे म काफी आकर्षक हावयं। जेन स्कूल म बुता पूरा हो गे हावय, वो बिल्कुल नवा स्वरूप म नजर आ रिहिन हावयं। येकर ले अब उन स्कूल के लइका के बढि़या परिवेश म सुविधामिले होही। स्कूल भवन पहिली जर्जर हालत म रिहिस, बरसात के दिन म यहॉ के छत ले पानी टपकता रिहिस, अब छत के मरम्मत होए ले पूरा रकम ले ठीक हो गे हावय, येकर ले लइका तको सुरक्षित रइही अउ पढ़ाई करे म उंकर मन तको अच्छा ले लगही। मुख्यमंत्री स्कूल जतन योजना ले लइका के अब बढि़या स्कूल भवन मिलही अउ वो अच्छा ले पढ़ाई कर सकही।

योजना के तहत जिला  ले पोर्टल म 29162 स्कूल के प्रविष्टि होए हावय। जेकर लागत 2133.60 करोड़ रूपिया हावय। अभी के बेरा म बुता सुरू करे बर 477.06 करोड़ रूपिया पहिली किश्त जिला  के जारी के जा चुके हावय। अब तक 1914 बुता अभी के बेरा म पूरा हो चुके हावय अउ 14 हजार ले जादा बुता प्रगति म हावय।