अंजोर.रायपुर। भारत सरकार के निर्देश म ‘‘वन नेशन, वन राशन कारड योजना’’ के तहत राष्ट्रीय खाद्य सुरक्षा अधिनियम के हितग्राही मन के शत-प्रतिशत ई-केवाईसी के कार्रवाई 31 जुलाई 2023 तक करे जाही। ‘वन नेशन, वन राशन कारड योजना’ के पूरा क्रियान्वयन के खातिर राशनकार्ड के सबो सदस्य मन के आधार के जानकारी प्रमाणीकृत होना जरूरी हावय। राशनकार्ड म हितग्राही मन के आधार के जानकारी गलत दर्ज होए अउ आधार के जानकारी प्रमाणीकृत नइ होए के सेती खाद्यान्न बाटे म समस्या बने रिथे। विभागीय डेटाबेस म जेन हितग्राही मन के आधार दर्ज हावय। उंकर आधार के जानकारी के प्रमाणीकरण ई-केवाईसी के कार्रवाई के जात हावय।
खाद्य विभाग के अधिकारी मन बताइन के प्रदेस म संचालित सरकारी उचित कीमत के दुकान ल दे ई-पॉस उपकरण म ई-केवाईसी के सुविधा उपलब्ध हावय। ई-केवाईसी के कार्रवाई पूरा फोकट म हावय। ई-केवाईसी के कार्रवाई के खातिर राशनकार्डधारी मुखिया अउ राशनकार्ड म दर्ज सबो सदस्य अपन-अपन आधार नंबर के संग सरकारी उचित कीमत दुकान पहुँचेंगे। जेकर बाद ही बेचइया डहर ले ई-पॉस उपकरण म सबोच सदस्य के आधार नंबर के अलग-अलग प्रविष्टि करके उंकर फ्रिंगर प्रिंट स्कैन करवाकर ई-केवाईसी के कार्रवाई पूरा करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।