अंजोर.ए। देश म कई ठऊर मन म, जिहां-जिहां टमाटर के कीमत बिकराल रूप ले जादा रिहिस, उहां पताल ल 90 रूपिया प्रति किलो के रियायती दर म बेचे के सरकार के हस्तक्षेप के सेती थोक कीमत म कमी आये हावय।
मिले आरो के मुताबिक देश भर म 500 ले जादा ठऊर मन म स्थिति के फेर आकलन करे के बाद आज इतवार ले एला 80 रूपिया प्रति किलोग्राम के दर ले बेचे के फइसला लिस हावय। भारतीय राष्ट्रीय कृषि सहकारी विपणन संघ (नाफेड) अउ राष्ट्रीय उपभोक्ता सहकारी संघ (एनसीसीएफ) के माध्यम ले दिल्ली, नोएडा, लखनऊ, कानपुर, वाराणसी, पटना, मुजफ्फरपुर अउ आरा म आने-आने ठऊर मन म आज ले बिक्री सुरू कर दीस हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।