अंजोर.रायपुर। मुख्यमंत्री भूपेश बघेल के घोसना के मुताबिक छत्तीसगढ़ के पेंशनर्स अधिकारी-कर्मचारी के महंगाई भत्ता बढ़ा दे हावय। छत्तीसगढ़ सरकार के वित्त विभाग ह येकर खातिर आज आदेश जारी करके दे हावय।
सातवा वेतनमान म मूल पेंशन/परिवार पेंशन के खातिर महंगाई भत्ता म चार परतिसत के बड़वार करे गे हावय। ये फायदा इही जुलाई महीना के पहिली तारीख ले मिलही। ए बड़वार के पाछु अब महंगाई राहत 42 परतिसत हो गे हावय। येकर संग ही छठवें वेतनमान के मूल पेंशन/ परिवार पेंशन पाये वाला पेंशनर्स के महंगाई भत्ता म 9 परतिसत के बड़वार के गे हावय। ये फायदा तको इही साल के जुलाई महीना के पहिली तारीख ले मिलही। ए बड़वार के संग ही महंगाई राहत म कुल बड़वार 221 परतिसत हो गे हावय।
जानबा होवय के पेंशनर्स के महंगाई राहत के संबंध म मध्यप्रदेश अउ छत्तीसगढ़ दुनों राज्य के मंजूरी जरूरी होवत हावय। ए संबंध म मंजूरी जल्दीे दे करे मुख्यमंत्री भूपेश बघेल ह मध्यप्रदेश के मुख्यमंत्री शिवराज सिंह चौहान के पाती लिखा रिहिस। येकर बाद जइसे ही मंजूरी मिले होइस। महंगाई राहत म बड़वार के फायदा पेंशनर्स के दे करे के अविलंब फइसला लिस गे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।