छत्तीसगढ़ विज्ञान अउ प्रौद्योगिकी परिषद डहर ले विज्ञान रॉयल सोसाइटी ऑफ केमिस्ट्री प्रशिक्षण कार्यशाला

 

अंजोर.रायपुर। माध्यमिक अउ उच्चतर माध्यमिक विद्यालयीन शिक्षक मन के कौशल विकास अउ ज्ञान के बढ़ाये के उद्देश्य ले छत्तीसगढ़ विज्ञान प्रौद्योगिकी परिषद डहर ले रॉयल सोसाइटी ऑफ केमिस्ट्री के सहयोग ले प्रशिक्षण कार्यशाला के आयोजन 22 ले 25 अगस्त के करे गिस रिहिस। छत्तीसगढ़ रीजनल साइंस सेंटर म 4 दिन तक चले ए कार्यशाला म भाग ले वाला शिक्षक मन ह नवा शिक्षण पद्धति के लागू करे के बारे म अपन उत्साह व्यक्त करिन। कार्यशाला म शिक्षक नवा शिक्षण पद्धति ले आरो होइस अउ जाना के कोन रकम ले ले मिडिल अउ हाई स्कूल के पढ़इया लइका के खातिर विज्ञान के गतिविधी अउ प्रयोगों के सिखाने अउ समझाने के खातिर जादा सुलभ अउ आकर्षक बनाये जा सकत हावय।

छत्तीसगढ़ रीजनल साइंस सेंटर म 4 दिन तक प्रशिक्षण कार्यशाला

प्रशिक्षण कार्यक्रम के अगुवई परसिध शिक्षक डेवलपर, रॉयल सोसायटी ऑफ केमेस्ट्री के  जया स्वामीनाथन ह करिन। ओमन विज्ञान के गतिविधी अउ व्यावहारिक परयोग के एक श्रृंखला के माध्यम ले शिक्षक मन के तीर प्रदर्शित करिन। ये शिक्षण तकनीक के मिडिल अउ हाई स्कूल के पढ़इया लइका के जटिल वैज्ञानिक अवधारणा ल समझे बर सावधानीपूर्वक डिजाइन करे गिस रिहिस। छत्तीसगढ़ विज्ञान अउ प्रौद्योगिकी परिषद के महानिदेशक एस.एस. बजाज ह प्रशिक्षण कार्यक्रम के सफल समापन म बधाई दीस।  ओमन राज्य के शिक्षा स्तर के ऊँचा उठाये म अइसे पहल म जोर देत होइस किहिन के शिक्षक हमर देश के भविष्य के आकार दे म जरूरी भूमिका निभाते हावयं। हमन ल ओला प्रभावी प्रशिक्षण दे करके, अपन पढ़इया लइका के विकास अउ समाज के प्रगति म अग्रसर करे हावय। कार्यशाला के अन्त म वैज्ञानिक डॉ. श्रीमति जे. के. राय ह धन्यवाद ज्ञापित करिन। कार्यशाला के आयोजन म परियोजना निदेशक वैज्ञानिक डॉ. शिरीष कुमार सिंह, वैज्ञानिक अधिकारी श्रीमती प्रज्ञा कदम, इंजीनियर अमित कुमार मेश्राम, अउ छत्तीसगढ़ विज्ञान केन्द्र के टीम ह अपन जरूरी सहयोग दे करिन।

जानबा होवय के यूसुफ हामिद इंस्पिरेशनल साइंस प्रोग्राम भारत म विज्ञान शिक्षक मन के खातिर रॉयल सोसाइटी ऑफ केमिस्ट्री के व्यावसायिक विकास पाठ्यक्रम हावय। रॉयल सोसाइटी ऑफ केमिस्ट्री, यू.के., रसायन विज्ञान अउ रसायन विज्ञान शिक्षा के आगू बढ़ाये के दिशा म बुता करके रिहिन हावय। जेकर मास्टर प्रशिक्षक ह भारत के कुछ सबले बढि़या शिक्षक मन के संग मिलके विज्ञान शिक्षक मन के अपन कौशल के बढ़ाये अउ पढ़इया लइका के विश्वविद्यालय म विज्ञान के अध्ययन करे के खातिर प्रेरित करे म मदद करे के खातिर ए कार्यक्रम के विकसित करिन हावय। रॉयल सोसाइटी टीचर डेवलपर्स भारत के स्कूल म विज्ञान शिक्षक मन के खातिर कार्यशाला आयोजित करके रिहिन हावयं, जेकर ले ओला माध्यमिक अउ उच्चतर माध्यमिक स्कूल स्तर म पढ़इया लइका के खातिर विज्ञान के जादा रोचक अउ आकर्षक बनाये के तकनीकें दीस जा रेहे हावयं। प्रशिक्षण कार्यशाला फोकट म दे के जाथे अउ एमे सस्ते अउ आसानी ले उपलब्ध होए वाला योजना सामिल हावय।