मदरसा बोर्ड अध्यक्ष ह मुख्यमंत्री भूपेश बघेल ले करिस मुलाकात

अंजोर.रायपुर। मुख्यमंत्री भूपेश बघेल ले छत्तीसगढ़ मदरसा बोर्ड के अध्यक्ष अलताफ अहमद ह मुख्यमंत्री निवास कार्यालय परिसर म मुलाकात करके मदरसा शिक्षक मन के लंबित मानदेय संबंधी समस्या ले आरो कराइस। मुख्यमंत्री के मदरसा बोर्ड के अध्यक्ष ह लंबित मानदेय के संबंध म बताइन हावय के 6 साल ले केन्द्र सरकार ले मदरसा शिक्षक मन के 60 परतिसत केंद्रांश शिक्षक मानदेय के रकम नइ मिले के सेती राज्य सरकार के 40 परतिसत राज्यांश के रकम तको मदरस ल नइ मिल पात हावय, जेकर सेती मदरसा शिक्षक मन के आर्थिक स्थिति दयनीय होवत हावय।

छत्तीसगढ़ मदरसा बोर्ड के अध्यक्ष ह 6 साल ले लंबित मदरसा शिक्षक मन के 40 परतिसत राज्यांश के रकम दे के मांग के हावय। मुख्यमंत्री ह 40 परतिसत राज्यांश के रकम दे करे के आश्वासन दे हावय। ए मउका म तौहीद खान, इस्माईल अहमद अउ पाशी अली उपस्थित रिहिस।