अंजोर.रायपुर। मुख्यमंत्री भूपेश बघेल ह प्रधानमंत्री नरेन्द्र मोदी ल पाती लिखके भारत सरकार डहर ले लंबित देनदारी के तनि धियान आकर्षित करिन। ए पाती म मुख्यमंत्री भूपेश बघेल ह लिखा हावय के अभी के बेरा स्थिति म भारत सरकार/भारतीय खाद्य निगम के स्तर म राज्य के एजेन्सी के लम्बित देनदारी लगभग 6,000 करोड़ रूपिया के हो चुके हावयं।
मुख्यमंत्री ह पाती म किहिन हावय के केंद्रीय पूल म राज्य सरकार के तनि ले जमा चाउंर के बाद बचे बांचे धान के निराकरण म तको राज्य सरकार के बड़े हानि उठाये बर परत हावय, जेकर भरपाई भारत सरकार डहर ले नइ के जात हावय। येकर ले राज्य सरकार के अकताहा आर्थिक भार वहन करे परत हावय।
मुख्यमंत्री बघेल ह प्रधानमंत्री मोदी ले अरजी करत ए पाती म किहिन हावय के स्थिति के गंभीरता के देखत संबंधित अधिकारी मनको निर्देशित करे के कष्ट करें के वो राज्य के एजेन्सियों के लम्बे समय ले लम्बित सबो देनदारी के समय-सीमा करार करके निराकरण करें अउ राज्य के विधिक क्लेम के रकम लघियात राज्य सरकार के अन्तरित करे बर जरूरी कार्यवाही करें।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।