उपमुख्यमंत्री टी.एस. सिंहदेव ह सरगुजा के कोरोना वारियर्स मनके करिन सम्मान

अंजोर.रायपुर। छत्तीसगढ़ के उपमुख्यमंत्री टी.एस. सिंहदेव ह अंबिकापुर के पीजी कॉलेज ऑडिटोरियम म ‘लड़े हावयं जीते हावयं’ कार्यक्रम म सरगुजा के लगभग एक हजार ले जादा कोरोना वारियर्स ल उंकर उत्कृष्ट बुता के खातिर प्रशस्ति पाती देके सम्मानित करिन। ओमन किहिन के कोरोना संक्रमण के बावजूद तको स्वास्थ्य विभाग के स्टाफ ह कोविड काल म गजब सक्रीयता ले काम करिन, हमन ल अपन स्टाफ म गर्व हावय। ओमन ए मउका म कोरोना वारियर्स के योगदान म आधारित थीम गीत के लॉन्च करिन। कार्यक्रम के आयोजन जिला रेडक्रास सोसायटी डहर ले करे गिस।

उपमुख्यमंत्री टी.एस. सिंहदेव ह किहिन के कोविड बीमारी के प्रबंधन म सरी छत्तीसगढ म चिकित्सा क्षेत्र के आधारभूत नेव म अभूतपूर्व बढ़ोत्तरी होए हावय। सैकडों आई.सी.यू. बेड तइयार होइस हावयं। सबो प्रमुख सरकारी अस्पताल म ऑक्सीजन प्लांट स्थापित होइस हावयं। कोविड के बखत चेस्ट स्केन के सुविधा स्थापित करे बर सबो जिला अस्पताल म सिटी स्केन मशीन लगाये गे, जेन आज दूसरी व्याधियों बर उपयोग म आ रिहिन हावय। कोविडकाल म पूरा देश म मात्र पुणे म कोविड के वॉयरोलॉजी लैब रिहिस। आज अकेले छत्तीसगढ़ म अइसे लैब के संख्या 14 ले जादा हावय।

श्री सिंहदेव ह किहिन के कोरोना संकट के स्वास्थ्य विभाग ह पहिली ही भांप लिस रिहिस। छत्तीसगढ़ म जब 18 मार्च 2020 के कोविड के पहिली केस आये रिहिस उंकर तीन चार महीना पहिली ही ओमन विभागीय  अधिकारी मनके संग बइठक करके ए बीमारी ले निपटे खातिर बर एक आधारभूत चिकित्सीय नेव के बनाये करके लिस रिहिस। सबो जिला अस्पताल म तको तेजी ले कोविड चिकित्सा इकाई के गठन करे गिस। कार्यक्रम के जिला रेडक्रास सोसायटी के चेयरमेन आदित्येश्वर शरण सिंहदेव ह तको सम्बोधित करिन।