भारत चुनाव आयोग के अधिकारी रायपुर पहुंचिस, विधानसभा आम चुनाव के तइयारी के करही समीक्षा

अंजोर.रायपुर। भारत चुनाव आयोग के चुनाव आयुक्त अनूप चंद्र पांडेय, चुनाव आयुक्त अरूण गोयल अउ भारत चुनाव आयोग के वरिष्ठ अधिकारीमन रायपुर पहुंचिस। वो राज्य म विधानसभा आम निर्वाचन-2023 के तइयारी के समीक्षा करही।

छत्तीसगढ़ के मुख्य चुनाव पदाधिकारी श्रीमती रीना बाबासाहेब कंगाले ह आयोग के वरिष्ठ  अधिकारी मनला स्वामी विवेकानंद विमानतल म स्वागत करिन।

भारत चुनाव आयोग के उप चुनाव आयुक्त हृदेश कुमार, उप चुनाव आयुक्त अजय भादू, महानिदेशक बी नारायणन, निदेशक यशवेंद्र सिंह, संतोष अजमेरा, निदेशक (आई टी) अशोक कुमार, समिलहा निदेशक अनुज चांडक तको रायपुर पहुंचिस।