राम वन गमन पर्यटन परिपथ के 29 अगस्त के चम्पारण म के लोकार्पण अउ रामायण महोत्सव

अंजोर.रायपुर। मुख्यमंत्री भूपेश बघेल मंगलवार 29 अगस्त के रायपुर जिला के ऐतिहासिक अउ धार्मिक जगह चम्पारण म राम वन गमन पर्यटन परिपथ के ले बनाये बुता के लोकार्पण करही अउ उहां आयोजित रामायण महोत्सव म सामिल होही।

कार्यक्रम म विधानसभा अध्यक्ष डॉ. चरणदास महंत अउ उप मुख्यमंत्री टी.एस. सिंहदेव प्रमुख पहुना के रूप म सामिल होही। कार्यक्रम के अध्यक्षता गृह, जेल, लोक निर्माण, धार्मिक न्यास अउ धर्मस्व पर्यटन मंत्री ताम्रध्वज साहू करही। लोकार्पण कार्यक्रम चंपेश्वर महादेव मंदिर परिसर म मंझनिया 3 बजे होही। इही रकम ले रामायण महोत्सव सरकारी स्कूल गांव डगनिया चम्पारण म आयोजित होही। ए मउका म सांस्कृतिक कार्यक्रम के ले जिला स्तर म पहिली ठऊर  मिले विजेता मानस मंडली के प्रस्तुति, हनुमान चालीसा के समिलहा पाठ, प्रभंजय चतुर्वेदी भिलाई के राम भजन अउ सुश्री शन्मुख प्रिया मुम्बई के प्रस्तुति होही।

कार्यक्रम म रायपुर जिला के प्रभारी मंत्री रविन्द्र चौबे, परिवहन मंत्री मोहम्मद अकबर, उद्योग मंत्री कवासी लखमा, नगरीय प्रशासन मंत्री डॉ. शिव कुमार डहरिया, महिला अउ बाल विकास मंत्री श्रीमती अनिला भेंड़िया, राजस्व मंत्री जयसिंह अग्रवाल, लोक स्वास्थ्य यांत्रिकी मंत्री गुरू रूद्र कुमार, उच्च शिक्षा मंत्री उमेश पटेल, खाद्य अउ नागरिक आपूर्ति मंत्री अमरजीत भगत, आदिम जाति विकास मंत्री मोहन मरकाम, लोकसभा सांसद सुनिसल सोनी खास पहुना के रूप म सामिल होही। कार्यक्रम म संसदीय सचिव चिंतामणी महाराज, विकास उपाध्याय, विधायक धनेन्द्र साहू, छत्तीसगढ़ पर्यटन बोर्ड के अध्यक्ष अटल श्रीवास्तव, गौ सेवा आयोग के अध्यक्ष राजेश्री डॉ. महंत राम सुन्दर दास के गरिमामय उपस्थिति म सम्पन्न होही।