अंजोर.रायपुर। छत्तीसगढ़ म 'कका' के नाव ले जन जन के दुलरवा मुख्यमंत्री भूपेश बघेल के आज जनमदिन हावय। ये मउका म उनला सुभकामना दे खाातिर देस के बड़का राजनेता मन संदेसा पठोय हावय।
- राष्ट्रपति श्रीमती द्रौपदी मुर्मु ह फोन म बधाई अउ शुभकामना दीस।
- उपराष्ट्रपति जगदीप धनखड़ ह मुख्यमंत्री भूपेश बघेल ल उंकर जनम दिन के मउका म फोन म बधाई अउ सुभकामना दीस।
- प्रधानमंत्री नरेन्द्र मोदी ह ट्वीट करके मुख्यमंत्री भूपेश बघेल ल उंकर जनम दिन के मउका म बधाई अउ सुभकामना दीस। ओमन बघेल के सुदीर्घ अउ स्वथ्य जिनगी के कामना करिस।
- छत्तीसगढ़ के राज्यपाल विश्वभूषण हरिचंदन ह मुख्यमंत्री भूपेश बघेल के फोन म आज उंकर जनम दिन के मउका म बधाई अउ सुभकामना दीस।
- विधानसभा अध्यक्ष चरणदास महंत मुख्यमंत्री भूपेश बघेल के जन्मदिन के बधाई दे पहुंचिस।
- उप मुख्यमंत्री टी.एस. सिंहदेव ह मुख्यमंत्री भूपेश बघेल के जन्मदिन के मउका म दीस सुभकामना।
- श्रीमती प्रियंका गांधी ह मुख्यमंत्री भूपेश बघेल ल फोन म उंकर जनम दिन के मउका म बधाई अउ सुभकामना दीस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।