छत्तीसगढ़िया ओलंपिक 10 सिंतबर ले संभाग स्तर म, राज्य स्तरीय 25 सितंबर ले 27 सितंबर तक

अंजोर.10 रायपुर। छत्तीसगढ़ म पारंपरिक खेल के बढ़ावा दे के खातिर चलत छत्तीसगढ़िया ओलंपिक प्रतियोगिता अब 10 सितंबर ले संभाग स्तर म प्रवेश करत हावय। संभाग स्तर म ये प्रतियोगिता 20 सितंबर तक चलही। मुख्यमंत्री भूपेश बघेल के पहल अउ खेल अउ युवा कल्याण मंत्री उमेश पटेल के मार्गदर्शन म चल रेहे छत्तीसगढ़िया ओलंपिक के ए साल तको अभूतपूर्व लोकप्रियता मिल रेहे हावय।

छत्तीसगढ़िया ओलंपिक म युवा मन के संग ही बूढ़ा, बच्चा अउ महिला मन तको एमे बढ़-चढ़के हिस्सा ले रिहिन हावयं। मुख्यमंत्री बघेल ह खिलाड़ी के प्रोत्साहित करे के खातिर छत्तीसगढ़िया ओलंपिक के राज्य स्तरीय प्रतियोगिता म लंबा कूद, 100 मीटर दउड़ अउ कुश्ती के खेल म 18 ले 40 साल के उमर वर्ग म पहिली ठऊर  मिले करे वाला भाग लेवइया मन के उत्कृष्ट खिलाड़ी घोसित करे के घोसना के हावय। ये प्रावधान इही सत्र ले लागू होही। संभाग स्तरीय प्रतियोगिता के समापन के पाछु आखरी चरण म राज्य स्तरीय छत्तीसगढ़िया ओलंपिक के आयोजन राजधानी रायपुर म 25 सितंबर ले 27 सितंबर तक होही।