राष्ट्रपति श्रीमती द्रौपदी मुर्मु ह रतनपुर म आदिशक्ति माँ महामाया देवी के करिस दर्शन

अंजोर.रायपुर। राष्ट्रपति श्रीमती द्रौपदी मुर्मु ह ऐतिहासिक अउ धार्मिक नगरी रतनपुर के आदिशक्ति माँ महामाया देवी मंदिर पहुँचीस। इहाँ ओमन विधिवत पूजा- अर्चना करके देशवासी के सुख-समृद्धि अउ प्रगति के कामना करिस। पहिली बार रतनपुर के महामाया देवी के मंदिर म राष्ट्रपति प्रवास होइस हावय। ए मउका म माँ महामाया देवी के राजसी श्रृंगार करे गिस।

ए मउका म राज्यपाल विश्वभूषण हरिचंदन, मुख्यमंत्री भूपेश बघेल अउ केंद्रीय जनजाति विकास राज्यमंत्री रेणुका सिंह तको मौजूद रहीं। जानबा होवय के ऐतिहासिक अउ धार्मिक नगरी रतनपुर के गौरवशाली इतिहास रिहिन हावय। कलचुरी वंश के शासक रत्नदेव पहिली ह रतनपुर के अपन राजधानी बनाये अउ इहाँ आदिशक्ति माँ महामाया देवी मंदिर ल बनाये रिहिस। ये मंदिर 11वीं शताब्दी म बनवाया गे रिहिस। माँ महामाया रतनपुर शाखा के कलचुरी वंश के राजा मन के कुलदेवी रिहिस। इहाँ म दुनों नवरात्री म बड़का मेला के आयोजन होवत  हावय, जिहां प्रदेस के हर जिला ले लोगन आथे अउ माँ महामाया के दरसन करके उंकर तीर मनोकामना रखत हावयं।