मुख्यमंत्री भूपेश बघेल ह नगरी-सिहावा के मुकुंदपुर म राम वन गमन पर्यटन परिपथ बुता के करिन लोकार्पण

अंजोर.रायपुर। मुख्यमंत्री भूपेश बघेल ह आज नगरी-सिहावा के मुकुंदपुर म आयोजित समारोह म राम वन गमन पर्यटन परिपथ के तहत भगवान श्रीराम के बड़का मूरति अउ आने-आने बनाये बुता के लोकार्पण करिन।

नगरी के मुकुंदपुर म 8 करोड़ 29 लाख रूपिया के लागत ले भगवान श्रीराम जी के प्रतिमा, राम वाटिका, दीप स्तंभ, एलइडी ब्राडिंग, सप्तऋषि के  मूरति मन, प्रवेश दुवार, 01 कॉटेज, पार्किंग, एप्रोच रोड, पर्यटक सूचना केन्द्र, कलवर्ट निर्माण, कॉटेज निर्माण, लॉन डव्हलपमेंट, सीसीटीवी, यज्ञशाला, जनसुविधा केन्द्र, ड्रेन, विद्युतीकरण, ओव्हरहेड वॉटर टैंक, स्टेयर्स, सीढ़ी निर्माण, मॉडयूलर शॉपं, सप्तऋषि जगह के विकास, साइनेजेस, गजीबो, बाउण्ड्रीवॉल, साइट डव्हलपमेंट, गार्ड रूम के बनाये करे गे हावय। उहे श्रृंगी ऋषि आश्रम सिहावा म करटेन वॉल (म्यूरल के संग), प्रवेश दुवार , रेलिंग अउ शेड निर्माण, गजिबो, सौदर्यीकरण, विद्युतीकरण, यज्ञशाला (पहाड़ी पर), इंटरनल प्लम्बिंग, श्रृंगी ऋषि आश्रम म स्थित हनुमान मंदिर के सौंदर्यीकरण, पाथवे के विकास, जनसुविधा केन्द्र  सहित आने-आने अधोसंरचना विकास बुता के लोकार्पण करिन।

9.61 करोड़ के लागत ले आने-आने विकास बुता के करिन लोकार्पण

ए मउका म गृहमंत्री ताम्रध्वज साहू, राज्य गौ सेवा आयोग के अध्यक्ष महंत रामसुंदर दास, सिहावा विधायक अउ मध्यक्षेत्र आदिवासी विकास प्राधिकरण के उपाध्यक्ष डॉ लक्ष्मी ध्रुव, उपाध्यक्ष राज्य अनुसूचित जनजाति आयोग के उपाध्यक्ष सुश्री राजकुमारी दीवान,   जितेंद्र शुक्ला, प्रबंध संचालक, छत्तीसगढ़ पर्यटन बोर्ड, कलेक्टर ऋतुराज रघुवंशी, पुलिस अधीक्षक प्रशांत ठाकुर स्थानीय जनप्रतिनिधि अउ वरिष्ठ अधिकारी उपस्थित रिहिस।